КОСЫМША КУРЫЛЫС БАРДЫРЫЛАДЫ

Черкесск каласынынъ 17 номерли гимназиясында 400 окув орынына косымша меканнынъ курылысы белсинли кепте бардырылады. КЧРбилимлендируьв министри Инна Кравченко билимлендируьв учреждениединъ курылысынынъ бардырылувы ман танысты. Косымша курылыс бирбирине косылган окув эм ден-карув-спорт корпусыннантуьзилген. Курылыстынъ ортасында рекреациялык ер орынласкан, оннан меканнынъ баьри ортак ерлери коьринедилер: бир-бириннен баска болып орынласкан меканга кируьв алты ер, аьр класска шешинетаган ерлер, ямагатшылык организациялардынъ, класстан эм мектептен сонъ тыс куллыклар уьшин кабинетлер, куьнлери узайтылып окыйтаган куьплер уьшин пешлер, 206 орынга столовый, казан асув боьлмелери, шарлакларга коьтерилуьв басамаклар. Биринши шарлакта 4 класс, рекреациялар, техникалык куллыкшыларынынъ пешлери, гардероблары, куьнлери узайтылып окыйтаган куьплердинъ пеши, столовый, тамак азык блогы эм сондай баскалар. Экинши шарлакта 6 класс, рекреациялар, мырсатлар орталыгы, кладовойлар, педагоглардынъ кабинетлери, спорт залы, сондай болып, шешинетаган ерлер, душевойлар эм сондай баска затлар орынласканлар. Уьшинши шарлакта 6 класс, окытувшылардынъ (учительская), директордынъ оры нбасары ны нъ боьлмелери, ойынлар пеши, техникалык куллыкшыларынынъ пеши, спорт залы, универсаллы студия, йыйыстырув затлар уьшин боьлме орынласканлар. Спорт пан каьрлев уьшин окув отанынынъ каралдысында футбол майданы, шабув йоллары, спорт майданлары карарланганлар. Сондай болып, мекгепке ялгама ерлерди (тротуарлар, коьликпер янасув ерлери, ясыл оьсимликлер) онъайластырув планланады.