Дуьйсемби куьн, 16 мартта, Караш ай-Ш еркеш Республикасы ны нъ
Басшысы Рашид Темрезов 2019-nCoV
козгавшы ман тувдырылган янъы коронавирус инфекцияды КЧР юртында
профилактикалав эм яйылувына карсылык этуьв бойынша республикалык
Оперативли штабынынъ йыйылысын
озгарды.
Йыйылыстынъ тамамлары бойынша,
биринши болып, белгиленгени - буьгуьнге
Карашай-Шеркеш юртында коронавирус
пан маразланган бир йол да йок. Ол официаллы билдируьв. Социаллык сетьлерде
ана яде муна кебинде туватаган оьзге баьри
билдируьвлер акыйкатлык аьлди коьрсетпейдилер.
Регионнынъ Басшысы белгилегенинше,
республикада тынышлы аьл эм, болсын
ол республикалык оьлшемде яде ерлерде,
власть органларынынъ тешкеруьвинде
турады.
«Бизим бас эсабымыз - вирустынъ
тувувын болдырмав эм бизим яшавшыларымызды коршалав. Биз яшавшылардынъ
энъ аявлы кабатын - ясы уьйкен аьдемлерди боьтен де бек сакламага керекпиз!
Эмлев учреждениелеринде дарманлар эм
медициналык алат-садак - етисуьвли. Аптекаларда маскалардынъ кыралда савлайына сезилетаган танъкылыкты толыстырув
уьшин - биз Россиядынъ промышленность
эм саьвде министерствосына официаллы
заявка йибергенмиз, - деп Рашид Темрезов
белгиледи.
Республикалык штабынынъ йыйылысында баьленше маьнели токтаслар алындылар.
Буьгуьннен алып айырым буйырык алынганша, Карашай-Шеркеш юртында спорт
эм культуралык амалламаларды, сондай
болып, 50-ден артык аьдемнинъ катнасувы
ман коьлемлик амалламаларды озгарув
токтатылады.
Эртенги куьннен, 2020 йылдынъ 17
мартыннан алып, ортак билимлендируьв
учреждениелеринде эм косымша билимлендируьв учреждениелеринде язлык каникуллар басланадылар. Балалар бавларында
косымша санитарлык амаллар, ызында
олардынъ арбатынгы куллыгынынъ йорыгы
бойынша токтас алынып, киргистилееклер.
Россия илми министерствосынынъ
ой-коьрсетуьвлери мен келисте, республикадынъ юртында аьрекетлейтаган баьри
йогары эм орта окув отанлары алыстан яде
айырым окытув йорыгына коьшедилер.
Бизим курортларымызда профилактикалык амалларды уйгынлавга айырым эс
берилеек.
Вируска карсы профилактикадынъ йорыкларын тутувдынъ маьнелиги Оперативли
штабтынъ йыйылысында белгиленген. Сол мыратта коьлемлик билдируьв
амаллары аркалы яшавшылар арасында
профилактикалык билдируьв куллыгы куьшлендирилеек. Регионнынъ Басшысынынъ
тапшырувы ман Оперативли штаб соьлеги
аьл акында яшавшыларга билдирип тураяк
эм, яшавшылар дурыс билдируьвлер алмага
болаяк 8-8782-20-44-83
нындай болып, сутка бойы йорыкта ислеек.
• Карашай-Шеркеш Республикасынынъ юртында коронавирус инфекциясын профилактикалав соравлары КЧР
Правительствосынынъ уьйинде биринши вице-премьер Хызыр Чеккуевтинъ
басшылыгы ман озган йыйылыста
тергелдилер.
Йыйылысты аша келип, Хызыр Чеккуев
коьрсетилген мараз бойынша Карашай-Шеркеш юртында онъайлы аьл сакланатаганын,
соны ман биргесине республикадынъ юртына коронавирусты киргистуьвди тайдырув
мыратта эпизоотиялык аьлди саклав бойынша амалламаларды арбатында, РФ Россельхознадзорынынъ ой-коьрсетуьвлерин
эске алып, бардырмага керегин белгиледи.
Йыйылыста коронавирус инфекциясы уьй
айванларыннан юкпага болмага болаяк
соравы да тергелди, яваплы специалистлердинъ докладлары тынъландылар.
Соравды тергеген сонъ, яшавшылар
арасында билдируьв-анълатув куллыгын
бардырувда янъы коронавирус инфекциясыннан онъайсыз кыраллардан РФ юртына аькелинген малларды каравда оьзлик
коршаланув амалларын кулланмага гражданларга ой этпеге йоьнелисли министерстволарга эм ведомстволарга тапшырылды.
Сондай болып, биологиялык эм тамаказык калдыкларынынъ, сонынъ санында йол
бойында сатув этетаган пунктларда туьзилетаган калдыклардынъ айланысын тергевди
куьшлендирмеге токтасылды. Коьликтинъ
баьри де туьрлилери мен малларды, сонынъ
санында кийик эмизуьвшилерди (млекопитающий) эм оьзге айванларды, йылысып
юретаганлар да кирип, коьшируьвлерди
тергевди куьшлендирмек. Карашай-Шеркеш юртынынъ баьри автойолларында да
малларды, малшылык продукцияды, оьсимлик эм мал емлерди ызынсыз коьшируьв
фактларын белгилевди эм тайдырувды
аьжетсизлемек.
Йыйылыста яратувшылардынъ праволарын эм аьдемнинъ берекетлигин коршалав тармагында тешкеруьв бойынша
федераллык службасынынъ КЧР бойынша
управлениесининъ, Ставрополь крайы эм
КЧР бойынша Россельхознадзордынъ, КЧРдынъ ветеринария управлениесининъ, эм
регионнынъ оьзге министерстволарынынъ
элшилери эм оьзгелер катнастылар.
КЧР Басшысынынъ эм Правительствосынынъ пресс-службасы
Получайте свежие новости на электронную почту
Комментарии