Актуально Глава КЧР Рашид Темрезов призвал жителей региона в онлайн формате проголосовать за территорию для благоустройства в 2025 год Актуально Глава КЧР Рашид Темрезов и министр труда и соцразвития региона Динара Камурзаева обсудили ход реализации мероприятий в рамках Года семьи Актуально Открытый турнир СКГА по скалолазанию «Кубок ректора» прошел в КЧР Актуально Федеральные трассы КЧР готовят к выходу из зимнего периода Актуально Садоводческие домовладения Карачаево-Черкесии могут стать участниками программы социальной газификации

ХIЫШТА АЦКЬАРА ЙАЗХЪВЫЦИТI

19.04.2019 205
ХIЫШТА АЦКЬАРА ЙАЗХЪВЫЦИТI
РФ а-Правительства а-Председатель, «Единая Россия» партия апхъагылагIв Медведев Дмитрий йы-Жвлара приемна апны акъральгIвчва йгIарынйатI «Росприроднадзор» КЧР-ла а-Унашвачпарта аэксперт хъада ЭБЗЕЕВ Манаф йгьи хIгIакIвзыршауа апсабари адзыгIвкви рхчарала КЧР-ла а-Унашвачпарта ахъада йапхъахауа йзаместитель ЛЯШОВА Валентина. Ауат тшырзыназырхаз Черкесск город й-6-хауа аквтанай апхьарта биологияли экологияли арыпхьагIв ТЕКЕЕВА Зухра апхьагIвчва аэкология культура рыладыркIра йапщылу ауысква гIащтIылхтI. – Аэкология культура йайцIбу аклассква рпны угIалагата йапымкъьахауата йрыладыркIра атахъыпI, – лхIватI арыпхьагIв. – Ага йгвасразтынгьи, уахьчIвала ауи йазынарху йазалху апхьага гьхIымам. ХIара йхIылшауа гьгIаныгIжьуам, ауаса апхьагIвчва ргIальаматра гIащтIызхуаш цхърагIарагьи хIазыбжапI. – Апхьагаква ргIацIщтра хIара йхIзынарху ауысква йыгьрыуам, ауаса аэкология культура йазыбжьара хIкъару хIзалацIуштI йгьи йалахIцIитI, – лхIватI Ляшова Валентина. – ХIара хIгвып йхIаракIу гIвапхьартакI, аучилищаква рпны хIаъан, аэкология культурала айчважвараква адыгIгалтI. Асабиква ргIальаматра узыгIащтIыхуата адзы амагIны, адгьыл абайара, апсабара агIвычIвгIвыс сакъта дазаъазлара шатахъу гIаргвныргIвра атахъыпI. ХI-Унашвачпарта апны «Экология гвып» гIанхIыршатI. Агвып асабиква рэкология бжьара йазынхитI. – Асабиква зпсабара байу, йпшдзу КъарчаЧеркес апны йшбзазауа гIаргвынгIвуата хIрыдынхалра атахъыпI, – йгIаликIгIатI Эбзеев Манаф. – Ауи йазынхитI экологияла йгIанхIыршаз аэлектронна журнал. АпхьагIвчва аэкология культура рыладыркIра йазынхитI «АгIапын йачIва» акция апкъ йтата йцIасхаз асабша нхараквагьи. ЙхIвара атахъыпI хIреспублика ауи ауысла йшджьгару, йагIвсыз асквш агIан Вернадский В. йыхьыз зхъу аэкология Фонд адипломквала хIгIалыркIгIатI. Текеева Зухра рапхьарта апхьагIвчва асабша нхараква йанрылалуа йызрыгIапсауагьи даквгIашIастI: анхагаква гьрызхъум. АрыпхьагIв дшгIадыргвыгъазла, «Единая Россия» партиягьи рыцта анхагаквала йадыргалуаштI, ауи акIвымкIвагьи адамыгъаква зну ахъылпаква, афутболкаква рзалырхуаштI. Черкесск город апны анышвкъваратапсартаква руыс гIащтIылхтI ажвлара приемна апны анйара акIвзыршуз тшырзыназырхаз ареспублика квта й-11-хауа аквтанай апхьарта биологияла арыпхьагIв РАСТА Марина. – ЙшырхIвауала, ужвы нышвкъвара ъатарпсауа айщчыкьта цба адзхъадыргыллуштI, азакI афачIв хъшвалква, арахьари апластик башырбаква, ашвъабгъьы датшагьи йырзалхызлуштI, – йгIалылкIгIатI арыпхьагIв. – ХIара, афатарква рпны йбзазауа, цпщырхIакI ахъшвалква йырзалхIхра атахъызлушма? АрыпхьагIв йгIащтIылхыз ауыс, ажва аламкIва, йалыргачIвкву йрыуапI. ЦIабыргыта, Черкесск апны ужвыгьи йалыхта айщчыкьква гылата угьанйум, ауаса ауи йазцушта акIвпI йшаъу. – Анышвкъвара тгара йапщылу апсахраква гIаджвыквылгIвацитI, – лхIватI Ляшова Валентина. – Ауи шмайрамызлуш гвынгIвырапI, ага ауаса йаъазтынгьи, псайспамцара, Европа акъральква рпны йшщаквгылу апшта, анышвкъвара алырхлуштI. ХIреспублика апны анышвкъвара йъадынхалуаш йагIвсыз асквш агIан йгIахъыртIытI. ЙыздырхитI апхъа заман агIан ашвъабгъьы, айха, чIвыца, чгIвычажв рнахвыртаква шынхуз. Ауыгьи ацкьара йацхърагIун. ЙатасхIвахитIта, анышвкъвара йапщылу апсахраква майрата йгьакIвшушым, ахвква рпынгьи апсахраква атахъызлуштI. Ауи атшын а-Жвлара приемна йгIадгылыз акъральгIвчва аэкология йапщылу датшагьи ауысква гIащтIырхтI.
205 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный