Ухъахъвы зыргылуа хыс бжьыкIгьи гьсымгIатI.
Йайсквуз сгьрыцымызтI, йъайсуаз сгьрыламызтI,
Дгвъаджьуа дщтIата хвыкIгьи сгьишIамшватI.
Щта, сгвы зпыртшуайа айсра акиноква,
СызчIвыуайа айсра хабаркI саназдзыргIвуа?
СызгвмачIуайа санрыгIвсуа са асинква,
Сызгвжвайуайа ащапIлаба анызбауа?
ЙызсгвынгIвуайа бзита сан лгвакъвпраква,
Ауи аъара згIасархIвуайа лгIвылакI сызтапшуа?
Сгвы йызгIадсылуайа адуней гвыгIвмыгIвраква,
ЙыззгIауайа анчва ргврым быжьква?
Ауаса йанаъазара – айсра хвыртакI сайдзатI,
Ауаса йанаъазара – айсра са закIыла сгIанасачIтI.
Ауаса йанаъазара – айсра са бзидздзата йыздыритI,
Айсра! Айсра са абадата сгIаннажьтI.
ШХАЙ Катйа.
Комментарии