«Посети Кавказ» Фонд
агІаджвыквцІарала, Лагъь
КІавкІаз ауысквала РФ
а-Министерства, Болгария туризмла а-Министерства, РФ туризмла
а-Федерация агентства,
СКФО йаланакІуа асубъектква рправительстваква рацкІрала «Неделя
Северного Кавказа в Республике Болгария» фестиваль акІвшатІ. Ауи йалан туризмла Болгария
аминистр йзаместитель
КЫНЧЕВ Любен, Болгария апны РФ аконсулква КЛИМАНОВ Владимир, ФОТЕВ Тонко, Бургас город амэр йзаместитель БЕНОВА-АНАНЬЕВА Йорданка, «Курорты Северного Кавказа» АО адиректор йзаместитель АБДУСЕЛИМОВ
Мирзега, «Посети Кавказ» Фонд агенеральна
директор АРИСТОВ Станислав.
Къарча-Черкес Республикала атуризм атшауацІыхра даквгІашІастІ
туризмла, акурортквала
йгьи чкІвыныргІа рполитикала КЧР аминистр
йзаместитель АГЫРБА
Алина. Ауи хІреспублика апны йгІадырхарджьуа
атуристква рыхъазла сабапра злу афачІвкви апкъыгІвакви йауацІыхта
дрыквгІашІастІ, хІшІыпІа
йаныргІалу акурортква
рпны атшпсщагІвчва йырзадыргалуа ауысква афорум йалаз ахалыргІвазатІ.
Ауи йшылхІвазла, Къарча-Черкес Республика
аунашвачпагІвчва агІалцІыртаква гвыбзыгъата
йъагІадрысабапуа абзирала атуризм ансисквша
рыцІа-рыцІа тшауацІнахитІ,
атшпсщартаква, асасыртаква, апансионатква, аканат мгІваква, ачартаква
руыхвитІ. Аминистерства
аъачІвагІагІв «Архыз», «Домбай» тшпсщарта комплексква рпны тларыджала атагІвзыртаква йатахъу зымгІвала йшадгалугьи гІалхІватІ. Атуризм
тшауацІнарыхрала амальква абзазара дахІврала
йъалалуа абзирала асквш
2018 ауацІала атшпсщагІвчва рпхьадзара 1,350
мильуан йнадзатІ, асквш
2019 ацІыхъвадза ауи
агІарбара рыцІагьи йалахІуштІ.
«Атуристква йалкІгІата
Нижний Архыз апны йаныргІалу археология комплекси й-X-хауа асквшышв
агІан авизантия ъачІвагІагІвчва йыруыхваз
акьльиси йрымаджьащахъвадзата тшрыхадыргІвазитІ. Й-X-хауа асквшышв
йаланакІуа агородища
ахъвква йгьи апхъанчІви
уыхварата хвба КъарчаЧеркес Республика а-Хъада Темрезов Рашид й-Унашвала «Аланский христианский центр на Северном Кавказе» къвырльыкъвхарта шІыц алапш
йацІазлуштІ. Ауи акІвымкІвагьи, уахьчІвала Къарча-Черкес Республика
апны – «Джилы-Суу» санитар-курорт комплекс,
«Гвымлокт» турист-рекреация кластер (Красна Восток кыт апны),
«Жемчужина Кавказа»
спорт-згІвадарахчара кластер (Черкесск «АдзыгІвбжьа ЙачІва» тшпсщарта
апны) йгьи «Пхия–Кислые
источники» проект абзазара йаларжьуаштІ, –
лхІватІ Агырба Алина.
Афестиваль йалаз Болгария йаланакIуа Бургаса, Несебыра, Вена городква рпны йаныргІалу
акультура-турых шахІатквагьи тшрыхадыргІвазатІ.
«Неделя Северного Кавказа в Республике Болгария» фестиваль асквш
2019 мартІ агІан РФ
а-Правительства а-Председатель Медведев Дмитрий йгьи Болгария апремьер-министр туризм тшауацІыхрала мачвы зцІаз
ангІалра апрограмма апкъ
йтата йакІвшатІ.
Получайте свежие новости на электронную почту
Комментарии