ХIРЕСПУБЛИКА ЙАУУ АПХЬАГIВ ЙГIАТГАРА

«Артек» саби квта апны йакIвшаз «Большая перемена» россия анкъвакъвра афинал алгатI. Ауи йапхъагылагIвхатI й-9–10хауа классква йрапхьагIвчвата 300-гIв йгьи й-11-хауа аклассква йрыуата 300-гIв. Й-11-хауа аклассква йрыуата апхъагылара гIатызгаз ъачIвагIа гIацIгарта йаныцIалра рапхьара йаквшвуш аларшварныс сом мильуан закIызакI гIарырттI йгьи ргIатгараква хвбаллкI гIарыцырцIатI. Й-9–10-хауа аклассква рапхьагIвчвагьи сом зыкь 200-200 гIарырттI. Апхьартата 20 рынхара лшараква ртшауацIыхра йацхърагIуш сом гIвба-гIвба мильуан рквнадыргатI. Афинал йалаз а 1200-гIвгьи «Артек» тшпсщара    йцарныс    рылдыршуштI. АпхъагылагIвчва рыртлапIара «Артек-Арена» апны йакIвшатI. Ауи йалан РФ а-Президент й-Администрация аунашвачпагIв йапхъахауа йзаместитель КИРИЕНКО Сергей, РФ а-Президент йцхърагIагIв ОРЕШКИН Максим, арыпхьарала РФ аминистр КРАВЦОВ Сергей, Кърым Республика ахъада АКСЕНОВ Сергей, Киров область йгьи Ямало-НенецкI автоном округ ргубернаторква ВАСИЛЬЕВ Игорьи АРТЮХОВ Дмитрийи, «Россия – страна возможностей» АНО агенеральна директор КОМИССАРОВ Алексей, чкIвыныргIа руысквала а-Федеральна агентства аунашвачпагIв  БУГАЕВ 
 Александр.  «Большая перемена» Россия анкъвакъвра афинал апны йылшараква гIайырбатI КIавкIазскIа по
селок аквтанай апхьарта й-9-хауа акласс апхьагIв БАБИЧ Владиславгьи. Ауи анкъвакъвра дапхъагылагIвхатI. ХIреспублика а-Хъада й-Инстаграмла ачкIвын апхъагылагIв ахIвахIвраква йзынайырхатI. «Агвы йгIатыцIуата Владислав йгIатгарала сйайхIвахIвитI. Ауи йгIаджвыквцIаракви дгвалымсымкIва тшъагIайырбауи рыхъазла хIхъа йыладупI. Дызтагылыз амгIва дыквымцIыргIатI!»  –   йгIвытI    Темрезов     Рашид. Аквтанай апхьартаква рапхьагIвчва руацIала «Большая перемена» россия анкъвакъвра сынчIва мартI угIалагата ноябрьдза жвакьазукIла йакIвшатI. Бабич Владислав «Сохраняй природу» нархара гIалихтI. Ауи йгIаджвыквцIарала йадыргалыз «Чистый по
селок» акция зкьгIвы райхIа алалтI. Апхьарта апны анышвкъвара йалыхта йазыркIкIитI, ашвъабгъьи апластиккви кIьыдата йъанарахвуа йрыртитI, йгIатнырхуа ахчала апхьарта    ахъазла    йатахъу     алархвгIитI. «Большая перемена» анкъвакъвра афинал октябрь а 31 угIалагата ноябрь а 5-дза «Артек» саби дуней Квта апны йакIвшатI. Россия йауу апхьагIвчвата 1200-гIв «Город будущего» гIаныршара цнархаракIла йадынхалтI: «Образование будущего», «Предпринимательство», «Искусство-Арт», «Урбанистика», «Волонтерство» йгьи «Здоровый образ жизни». «Россия – страна возможностей» президент проект йаланакIуа «Большая перемена» анкъвакъвра йалалыз рпхьадзара  мильуанкI   йайхIапI.