Актуально Тхэквондистка из КЧР завоевала бронзу на Кубке России Актуально В Карачаево-Черкесии подвели итоги регионального этапа Всероссийского конкурса «Лучшая школьная столовая – 2024» Актуально VIII Международный женский конгресс впервые проходит в КЧР Актуально Глава КЧР Рашид Темрезов рассказал о подготовке к празднованию 80-ой годовщины Победы в Великой Отечественной войне Актуально В Карачаево-Черкесии пройдет «Монетная неделя»

ХIКЪРАЛЬ АУАЧIВЫМШ ЙАДАМЫГЪАПI

14.06.2019 221
ХIКЪРАЛЬ АУАЧIВЫМШ ЙАДАМЫГЪАПI
Россия а-Мш йадахIвуата Черкесск акультура Тдзы апны хIреспубликала йагъьта йгIалыркIгIаз аъачIвагIагIвчва йгьи паспорт гIазыртырныс зныбыжь надзаз ашIаква дыртлапIатI. Къарча-Черкес а-Хъада ТЕМРЕЗОВ Рашид ауат тшырзынайырхауата агвыргъьахъвла пхата драйхIвахIвтI. – Россия а-Мш хIкъраль ауачIвымш йадамыгъапI. ХIыуа дзачIвызлакIгьи хIылахь Россия йузакъвымхуашта йаларпапI, Абашта акъагIара ахъазла хIынхарныс хIтахъыпI. Къарча-Черкес апны йшIыцу апхьартаква, асабигIзартаква, азгIвадарахчартаква, амгIваква, ацхIаква руыхвара гьашIасуам. Ауаса ауат гIанзыршауа, хIреспублика акъагIара гвхътIыла йазынхауа ауагIа ракIвпI рахIа йбайара хъаду, – йхIватI КъарчаЧеркес аунашвачпагIв. Ари атшын акультура, арыпхьара, азгIвадарахчара, амуниципальна йгьи акъральыгIва къвырльыкъвхара, акыт млыкврхIара, аэкономика, аюриспруденция рынхагIвчва йрыуата 31-гIв ачIахIра хьызква йрынкъвгагIвхатI. «Россия Федерацияла гIатгара зму акультура анхагIвы» хьзы гIалквнадыргатI хIреспублика акультури азъазари рколледж адекоративна-напIлачпара хъвшара арыпхьагIв ЛАПIГЪВА Эмма Владимир йпхIа; «За заслуги перед Карачаево-Черкесской Республикой» орденла йгIалыркIгIатI азгIвадарахчара аветеран ИВАНОВА Любовь Исидор йпхIа йгьи «Медицинская акционерная страховая компания» Черкесскла афилиал адиректор ГОЧИЯЕВ Борис Хаджи-Ахмат йпа; «Къарча-Черкес Республика ауагIа рартист» хьзы данкъвгагIвхатI «Кавказ» гIахIвыгIвчва ансамбль аунашвачпагIв ХУГАЕВ Эдик Георгий йпа; «КъарчаЧеркесла гIатгара зму артист» хьзы – ареспублика ауагIа культура Квта адиректор РАЗИН Артем Александр йпа, «Къарча-Черкес Республикала гIатгара зму акъральыгIва къвырльыкъвхара анхагIвы» – арыпхьарали наукали КЧР аминистр лзаместитель БЕКИЖЕВА ФатIима Бакьмырза йпхIа, «Къарча-Черкес Республикала гIатгара зму акультура анхагIвы» – ареспублика УагIахъа библиотека адиректор йзаместитель МАМТОВА Мая ХIасамби йпхIа, «КъарчаЧеркес Республикала гIатгара зму аюрист» – ХВЫТI Юрий Рубин йпа йгIарквнадыргатI. ХIреспублика а-Хъада ачIахIра хьызква йрынкъвгагIвхаз пхата драйхIвахIвуата ауат зырцIабыргуа агвплацIаква ахIврапшдзаквагьи рыцта йриттI.  АхIбачва рымщтахь Темрезов Рашид йгватра айцIбачва йырчIвын. Ауи ашIаква йрыуата 20-гIвы апаспортква рнапIыцIайцIатI. – Апаспорт – Россия швшакъральгIву зырцIабыргуа швъа хъадапI. Ауи ангIашвнапIыцIашва йгIашIарышвта хIкъраль швшазцIабыргызлушла джьауапкIрагьи нашвахвитI. Швара швакIвпI хIара йхIуачIвымшу, ауи зынгьи йшвхъшвымраштылын, – йхIватI хIреспублика а-Хъада чкIвыныргIа тшырзынайырхауата. АчIахIра айззара йалаз рыхъазла хIреспублика аршIыйагIвчва шIаква йадыргалыз аконцерт гIадырбатI. 
221 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный