Сквш 33-ла утхъахта
октябрь а 14 йгIандыршаз Россия саби Фонд
ахачIвква ампсахуата уахьчIва йъагIадзазгьи гIвчIагIвра нхара ду акIвнаршитI. ЙалкIгIата, асабийыбаква, аныкъвадыкъваква, ачымазагIвква, хабзала йхчара йгьи ахча
цхърагIара йырзыбжу асабиква ауи ахъпшылра
йацIапI. Афонд анхагIвчва архарджьра нхарта
пхатшаква, згвы цхIауа
йгьи зылшараква бзийу
ауагIаква гIарцдырхърагIумца агвчIагIвра уысква адыргалитI.
Россия саби Фонд
ангIанша октябрь а 14
йаквшвауата КЧР-ла ауи
а-Фонд ахъвшара аунашвачпагIв КЪВЫЛ Фардауыс йгьи гвчIагIвра
нхара ду акIвзыршалауа
«РусГидро» КЧР-ла ахъвшара ажвлари ахабарргагакви рыцынхарала
аъачIвагIагIв МЯГКОВА
Ирина хIреспублика арайонква йгIархъыкIвшатI.
Ауат КъарчачкIвын, Абаза, АдыгьахIабльа, ХIабаз, Зеленчук, Къарча,
Устьджьгваты районква
йаъан. Аквтанай апхьартаква йрапхьагIвчвата
29-гIвы дистанция апхьарала йгIарцхърагIуш
апланшетква согIата йырзыргатI.
ХIреспублика апны асабиква рхвитнагIаквала
а-Уполномоченна йгьи
арыпхьарали наукали КЧР
а-Министерства йдрыхIазырыз ашвъаквала апланшетква асаби-йыбаква,
саби щарда зму йгьи
збзазара хIатлу атгIачваква ракIвпI йзыртыз. Коронавирус йапщылу аъаща йгIалцIла сынчIва асабиква азрымддауата ацхърагIагаква рпынква йырзыргумца йрыртырныс
щаквдыргылтI. АщтийыгIвчва ашIашIкIгIара згIва
тшауацIнамхрала асанитар амальква йыртымцIуата рхъвдаквцIараква
дырхъйатI.
Асаби йхвитнагIаквала КЧР а-Уполномоченна БОНДАРЕНКО Наталья йшгIалылкIгIазла,
хIреспублика апны акъральыгIва йгьи абизнес
рцхърагIара йазыбжу атгIачваква гьмачIым.
– Асабиква йырхъгвыргIвауата гвчIагIвра
уыс ду акIвзыршауа «РусГидро» КЧР-ла ахъвшара
йапшу анхартаква ъахIыму швабыжта йбзипI. Ауи
ахъвшара аунашвачпагIв
КРАВЧЕНКО Петр Василий йпа йгьи йынхагIвчва
гвып хIахIвара гватра ду
ъазалырхыз йгьи асабиква компьютер техникала йъадыргалыз ахъазла
хIырзыразпI, – лхIватI
Бондаренко Наталья.
Ажва аламкIва, аразыра ажваква рквнагапI
ауыс йагIаджвыквцIагIвхаз Россия саби Фонд
КЧР-ла ахъвшара аунашвачпагIв Къвыл Фардауыс йгьи «РусГидро»
КЧР-ла ахъвшара аъачIвагIагIв Мягкова Ирина. Ауат
йшдрыбагъьазла, хIапхъахьылагьи агвчIагIвра
уысква радгалрала тшдрыгIапсуштI.
Получайте свежие новости на электронную почту
Комментарии