Актуально В ФСБ России по КЧР рассказали как распознать телефонных злоумышленников  СКФО Новый логотип курорта Эльбрус в КБР представили в студии Артемия Лебедева СКФО В Северной Осетии прошла донорская акция Актуально В КЧР родители старшеклассников сдали ЕГЭ Общество Карачаево-Черкесия наращивает объемы производства тепличных овощей

Хэкупсагъэм и нагъыщэу

17.06.2015 1047
Хэкупсагъэм и нагъыщэу
псхуКъэрэшей-Черкесым и Iэтащхьэ Темрезов Рэшид яIущIащ Черкесск къалэм дэт «Центр военно-патриотического воспитания молодежи» къудамэмрэ Псху Зое и нэIэ щIэт «Подвиг» лъыхъуакIуэ-къегъэлакIуэ гупым хэтхэмрэ. ЗэIущIэм хэтащ Черкесск къалэм и мэр Тамбиев Руслан. Республикэм и Iэтащхьэр къызэхуэсахэм яхъуэхъуащ Урысейм и МахуэмкIэ. ФIыщIэ яхуищIащ ныбжьыщIэхэми, абыхэм я гъэсакIуэ-егъэджакIуэхэми. ЛэжьыгъэфIу зэфIахыр, хэкупсэ-лъэпкъыпсэ гъэсэныгъэм и IэмалыфI къагъэсэбэпхэр тхыдэ фэеплъым хэлъхьэныгъэшхуэ зэрыхуэхъури игъэбелджылащ. - Фэр хуэдэ ныбжьыщIэхэм, нэхъыщIхэм щапхъэфI фазэрыхуэхъур хуабжьу сэбэпщ. ИкIи шэчыншэщ Хэкум и бын пажэ къызэрыфхэкIынур. Иджыри зэ махуэщIым и щIыхькIэ зыфхузогъазэ. Фи мурад дахэм фыхуэфащэу, IэщIагъэрылажьэ нэс къыфхэкIауэ, узыншэу гъащIэм фрикIуэну сывохъуэхъу. Куэдым къыхэфхагъэхэщ фызэрылэжьэну IэщIагъэр, Хэкум къулыкъу хуэзыщIэну къыфхэкIари мащIэкъым. Си фIэщ мэхъу фи мурадхэр къызэрывэхъулIэнур, дяпэкIэ фи IуэхуфIхэм папщIэ дызэрыгушхуэнур,- жиIащ Темрезов Рэшид. Абы къыдэкIуэу, «Хэкупсэ-лъэпкъыпсэ Iуэхухэм зэрыхэлэжьыхьым, Хэку Зауэшхуэм ТекIуэныгъэр къызэрыщалъэщрэ илъэс 70 зэрырикъуар зэрагъэлъэпIа махуэщIхэм нэгъэсауэ зэрыхэтам папщIэ, Урысейм и Махуэм и щIыхькIэ» зи фIэщыгъэцIэ фIыщIэ тхылъхэр яритащ Купсэм и гъэсэнхэм. Республикэм и Iэтащхьэр сыт щыгъуи набдзэгубдзаплъэу къазэрылъыкъуэкIым папщIэ, фIыщIэ хуищIащ гупым и унафэщI Псху Зое. - Тхыдэр сыт щыгъуи купщIафIэщ. Арами, адрей лIыщIыгъуэхэм, илъэсхэм елъытауэ, нобэ дызыхэпсэухь пIалъэм нэхъ мыхьэнэ иIэщ. УсакIуэ Некрасовым итхауэ щытащ: «Хэкум и бын нэсхэр» жэуэ. Аращ нобэ щIыжытIэр – быныр адэ-анэм къащIэхъуэми, Хэкум и быным джэлэс хуэхъур гъэсэныгъэращ. Урысейм и лъэпкъ пажэм фызэрыщыщыр, къэкIуэнур фэфейуэ зэрыщытыр, Хэкур къызэрыфщыгугъыр зыщывмыгъэгъупщэну зыфхузогъазэ,- жиIащ Псху Зое. НыбжьыщIэхэм къабгъэдэкIыу, Темрезов Рэшидрэ къызэхуэсахэмрэ захуигъэзащ купсэм и гъэсэнхэм ящыщ Левченко Данила.
1047 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный