ХАЙЫРЛЫ САЬАТКЕ, ЯСЛАР ЭМ КЫЗЛАР!

Керуьв-Кавказ оькиметлик академиясынынъ орта кеспили колледжинде 2 сентябрьде аьлемет байрам - Билимлер куьни озды. Ол окув отанында 55 йылдынъ бойында уйгынланып келеятыр. Сол заманнынъ ишинде мунда 18 мынънан артык яс аьдем туьрли кеспилердинъ усталары болганлар. СПК-дынъ выпускниклери халк хозяйствосынынъ коьплеген тармакларында талапланадылар, эм тек Карашай-Шеркеш Республикасында тувыл, аьле онынъ тысында да. Колледжге янъы окымага туьскен яс аьдемлрди эм олардынъ ата-аналарын кутлай келип, окув отанынынъ директоры Ирина Гурина булай деди: - Сыйлы дослар, мен сизди уьйкен оькиметлик байрам ман - Билимлер куьни мен эм окув йылынынъ басланувы ман ак юректен кутлайман! Буьгуьннен алып сиз юртымыздынъ энъ уьйкен окув отанынынъ татым студентлер аьелининъ агзалары боласынъыз. Бизим колледжге окымага туьсип, сиз яшавынъыздынъ энъ маьнели адымларынынъ бирисин эткенсинъиз. Оьз билиминъизди тийисли йолга туспарлав бек маьнели. Эм сиз тувра сайХАЙЫРЛЫ САЬАТКЕ, ЯСЛАР ЭМ КЫЗЛАР! Байрамнан репортаж лав эткенсинъиз. Соьле сиз келеек ис аьрекетинъиздинъ негизин саласынъыз. Бизим колледжимиз сизге сайлаган кеспинъиз бойынша берк билимлер алмага ярдам этеек. Студент йыллары - энъ кызыклы, кайгысыз эм эсте калатаган йыллар боладылар. Мен сизге заманынъызды бос йибермей, тек билим алып тувыл, аьрекетлеп те, спорт пан каьрлеп те, оьзге болымлыкларынъызды оьрлендирип те уьлгиргенинъизди сагынаман. Бизим коллективимиз айлак татым, онда йогары кеспили окытувшылар куллык этедилер. Олардынъ коьбисининъ ис стажы 20 йылдан арткан. Сыйлы дослар, окытувшылар, студентлер, атааналар, тагы да бир кере сизди сосы аьлемет байрам ман кутлайман, берк ден савлыкты эм баьри ийгии кл е р д и с а п на м ан . Хайырлы саьатке! Онынъ соьзлерине Керуьв-Кавказ оькиметлик академиясынынъ окув куллыгы бойынша проректор Галина Нагорная косылды. - Буьгуьн сизинъ байрамыны з. < из оьз сайлавынъызды эттинъиз эм юртымыздынъ энъ ийги колледжине окымага туьстинъиз. Мунда сайлаган кеспинъиз бойынша терен билимлер алгандай сизинъ уьшин баьри шартлар да туьзилгенлер. Мен сизге окувда етимислерди эм колледжди кутылганнан сонъ бизим академияда билиминъизди оьс- тиргенинъизди сагынаман, - деди Галина Юрьевна. СкГА-дынъ ректоры Руслан Кочкаровтынъ тапшырувы ман йыйылганларды Билимлер куьни мен социаллык-тербиялав куллыгы бойынша проректор Мурадин Мамбетов кутлады. - Сыйлы яслар эм кызлар, ак юректен сизди сосы байрам ман кутлайман. Бизим колледжде зегенли яс аьдемлер айлак коьп. Олар колледждинъ де, академиядынъ да ямагатшылык яшавында белсинли катнасадылар. Бизде спорт секциялар, «Группа на отчисление» деп аталатаган КВН командамыз, «Дослык» атлы биюв кружогы, сести язув студиясы бар. Коьплеген яс аьдемлеримиздинъ атлары бизде де, Карашай-Шеркеш Республикасында, онынъ тысында да белгили, - деди Мурадин Мухамедович. Байрамнынъ ызында яс аьдемлерге студентлик билетлерин савгаладылар эм олар оьзлерининъ класс етекшилери мен бирге биринши «класс саьатине» йолландылар