СКФО Школа креативных индустрий появится на Ставрополье СКФО Началось строительство школы программистов у озера Ак-гель СКФО В Северной Осетии в 2024 году появятся прямые авиарейсы в Нижний Новгород СКФО Сельхозкооперативы в КБР набирают популярность Актуально Региональный этап Всероссийской олимпиады по истории российского предпринимательства прошел в КЧР на базе КЧГУ

Халкъгъа хайыры тиерик ишле этилдиле

28.12.2018 343
Халкъгъа хайыры тиерик ишле этилдиле

Къарачай-Черкес Республиканы Башчысы Темрезланы Рашид Грозный шахарда Эресей Федерацияны Президенти В.В.Путинни Шимал Кавказда Толу эркинликли келечиси бардыргъан советни кенгешини ишине къошулгъанды.

Анда хакъсыз медицина болушлукъ табдырыуну саулукъ сакълау учреждениелерин материал-техника эмда дараман-дары бла иги баджарыуну, къралыбызда 2019-чу джылдан башланнган миллет проектлеге республиканы тири кийириуню сорууларына къарагъандыла.

Округда къралны тамадасыны келечиси кенгешни ача, адамлагъа медицина болушлукъ табдырыуну сорууларыны магъаналары уллу болгъанларын чертгенди.

Эресей Федерацияны саулукъ сакълау министрини биринчи орунбасары Татьяна Яковлева, къралда демография кёргюзюмлени джетишимлерини юсюнден айтханды. Ол андан сора да «Саулукъ сакълау» деген миллет проектни джашаугъа кийире этилирге тыйыншлы ишлени билдиргенди.

Къралыбызда, Шимал Кавказ федерал округну субъектлеринде джашагъанланы джашау ёмюрлери узакъ болгъанын айтханды. Арт джыллада регионда сабий ёлюм аз болгъанды. Шимал Кавказ федерал округну субъектлерине кёре Къарачай-Черкесияда ёлген азды. Эресей Федерацияны Президенти В. В. Путинни 2018-чи джыл хычаманны (май) 7-де «О национальных целях и стратегических задачах развития Российской Федерации на период до 2024 года» деб алыннган указын толтуруу ишле адамланы джашау ёмюрлерин узакъ этерге мадар бередиле.

Татьяна Яковлева андан ары сёзюнде Шимал Кавказ федерал округда джол чарпыулада ёлгенле, бютеуэресей дараджадан эсе, кёб болгъанларын айтханды.

-       Кърал «Саулукъ сакълау» деген кърал миллет проектге, болушлукъ табдыра, 1,3 триллион сом ачха иерге план салгъанды. Медицина болушлукъ табдырыуну системасын джарашдырыуну да уллу магъанасы барды, - дегенди Татьяна Яковлева.

Къарачай-Черкес Республиканы Башчысы Темрезланы Рашид советни членлерине Къарачай-Черкес Республикада саулукъ сакълау санагъатны ёсюмюню юсюнден сёлешгенди.

- Биз быйыл джылны иги джетишимле бла ашырабыз. Регионда биринчи кере болуб, кёб профилли сабий больница, заманны излемине джууаб берген онкология диспансер, перинатал аралыкъны диагноз мекямы ишленнгендиле. Андан сора да Шимал Кавказ федерал округну болгъан субъектлеринде да орун алгъан проблемалы соруулагъа къаралгъанды. Хакъсыз дарман-дары бла баджарыу, «Терк болушлукъ» машиналаны джетмегенлери, былача башха затла да ары киредиле.

Турист санагъатны ёсюмюн, туристлени кёб болгъанларын эсге ала, Темрезланы Рашид Шимал Кавказ федерал округну тамадаларыны атларындан, Эресей Федерацияны Саулукъ сакълау министерствосуну тамадаларындан Шимал Кавказ федерал округну субъектлеринде санавиацияны къурауну мадарлары 2021-чи джылгъа белгиленнген замандан алгъа этилселе деб тилегенди. Болгъан субъектле да Саулукъ сакълау министерствону излемине хазыр боллукъдула, - деб, чертгенди кесини сёзюнде Темрезланы Рашид.

Андан сора да Темрезланы Рашид, къыйын ауруула бла ауругъанланы дарман-дары бла баджарыуну Эресей Федерацияны эркинлигинде къояргъа кереклисин, ол заманда регионал бюджетден бош болгъан мадарла бла башха тюрлю ауруула бла ауругъанла хайырланырча этерге боллугъун билдиргенди.

Эресей Федерацияны Президенти В. В. Путинни Шимал Кавказ федерал округда Толу эркинликли келечиси айтылгъан оюмланы сюзе, властны органларыны регионлада этген ишлеринде саулукъ сакълауну, адамланы джашауларын, саулукъларын ёсдюрюуню соруулары баш орунну алгъанларын чертгенди. Ол борчну толтура, федерал аралыкъ бла биригиб ишлей, властны органларыны джууаблылыкълары эки къат ёсгенлерин да айтханды Александр Матовников.

Джыйылыуну аягъында Александр Матовников округну субъектлерини кърал властларыны органларына, толтуруучу властны федерал органлары бла биригиб, белгиленнген проблемалы темаланы оноуларын этерге борч салгъанды.

Эресей Федерацияны Шимал Кавказны ишлерини юслеринден министрини биринчи орунбасары Одес Байсултанов, Шимал Кавказ федерал округну субъектлеринде объектлени ишлениб бошалмагъан къурулушларыны юслеринден сёлеше, аланы этген сагъатда болгъан бюджетлени мадарлары да хайырландырылгъанларын айтханды.

Джыйылыуну кёзюуюнде къаралгъан сорууланы оноулары этилгендиле.

343 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный