Актуально Как защитить свои данные на Госуслугах от мошенников СКФО Школа креативных индустрий появится на Ставрополье СКФО Началось строительство школы программистов у озера Ак-гель СКФО В Северной Осетии в 2024 году появятся прямые авиарейсы в Нижний Новгород СКФО Сельхозкооперативы в КБР набирают популярность

халкъ келечилени кёзюулю джыйылыулары

19.07.2019 223
халкъ келечилени кёзюулю джыйылыулары
Элия (июль) айны 11-де КъЧР-ни Правительствосуну Юйюню Уллу залында спикер Александр Ивановну башчылыгъы бла Къарачай-Черкес Республиканы 5-чи кере сайланнган Халкъ Джыйылыууну (Парламентини) кёзюулю 57-чи сессиясы болду. Анда 19 ишге къаралды. 
Федерал законодательствода джарашдырыучу сюдюлени юслеринден бир талай соруугъа тюрлениуле этилгенлерини себебинден  КъЧР-ни Законуну 3-чю статьясына - «О мировых судьях в Карачаево-Черкесской Республике» - тюрлениуле кийирилгендиле. Ол тюрлениуле кассацион эмда аппеляцион сюдле юрисдикция ишлерин башлагъан кюнлеринден ишлеб башларыкъдыла. Бу статьягъа энтда бир тюрлениу къошулгъанды. Ол тюрлениуге кёре джарашдырыучу сюдю энди 100 минг сомдан кёб болмагъан мюлк ючюн даулашыуланы ишлерине къараргъа да боллукъду, юйдеги-право джаны бла соруулагъа къараргъа энди эркинликлери джокъду. 
Аны кибик, Къарачай-Черкес Республиканы «Об исполнении республиканского бюджета Карачаево-Черкесской Республики за 2018 год» деген закону къалай толтурулгъанына къаралды. 
Къарачай-Черкес Республиканы финансла министри Сюйюнчланы Мурат «О внесении изменений в Закон Карачаево-Черкесской Республики «О республиканском бюджете Карачаево-Черкесской Республики на 2019 год и на плановый период 2020 и 2021 годов» законну проектин теджеди. Анда 2019-чу джыл, тёлеусюз халда тюшген 38451,6 минг сомну эсге ала, республикан  бюджетни хайыры 25369507,3 минг сом болгъаны белгиленеди. Урунуу бла социал ёсюмню министерствосу, Эресей Федерацияны джорукъларына бойсуна, юйдегиде биринчи туугъан сабийге ай сайын ачха тёлегени себебли, министерствогъа бёлюннюк ачханы санына да къошуллукъду. 
Республикан бюджетни 2019-чу джыл саулай да джоюму 38451,6 минг сомгъа аслам болуб, 25496233,3 минг сомгъа джетгенди. Парламентарийле законну проектин экинчи кере окъулгъандан сора къабыл этгендиле. 
Бюджетни тышында да, джыйылыуну кёзюуюнде талай соруугъа къаралды. Аланы бири республикан законлагъа этилген тюрлениуле федерал законлагъа къаршчы бармазча джарашдырыу эди. 
Сессияны аягъында депутатла Къарачай-Черкес Республикада табышлы адамланы эркинликлерин джакълагъан уполномоченный Сергей Рощенкону докладына тынгыладыла. Ол 2018-чи джыл этилген ишлени юслеринден, республиканы табышлы адамларыны джарсыуларыны эмда джетишимлерини юслеринден хапар айтды. Отчётну толугъа санаб, къабыл кёрдюле.
223 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный