Къарачай-Черкес Республиканы Башчысы Темрезланы Рашид, Правительствону Председателини заместители Вячеслав Косенков эмда республикабызны финанс министри Элкъанланы Рустам Россия Федерацияны вице-премьери Дмитрий Козакны башчылыгъы бла бардырылгъан Правительство комиссияны кенгешине къошулгъандыла.
Анда сёз 2018-чи джылгъа регионал бюджетлени джарашдырыуну эмда кредит бюджет бла берликлери болгъанла бла ишлерик программаны иги этиуню юсюнден баргъанды.
Къарачай-Черкес Республиканы Башчысы Темрезланы Рашид белгилегенден, ол программаны Россия Федерацияны Президенти В.Путин теджегенди.
«Регионла финанс джанын тюзетиуде, аны бегитиуде бу программаны уллу магъанасы барды. Алайда болумну сюзген сагъатда регионла теджеген оюмгъа магъана берилгени да бек игиди, андан сора юч джылны ичинде кеслерини джерлеринде налогланы ёсдюрген регионлагъа къошакъ ачха берилликди, аны социал магъанасы болгъан затлагъа джояргъа боллукъду»,-дегенди КъЧР-ни Башчысы Темрезланы Рашид.
Комментарии