КЧР БАСШЫСЫ БАЛАЛАРДЫНЪ МЫРАТЛАРЫН ТОЛТЫРДЫ

Янъы йылдынъ алдында Карашай-Шеркеш Республикасынынъ Басшысы Рашид Темрезов балалар ман - «Мыратлар елкасы » янъы йы ллы к акциясынынъ катнасувшылары болдылар. Республикадынъ Басшысына эки кыздынъ - Черкессктен Миленадынъ эм Эркен-Халктан Сафиядынъ мыратларын, оннан баска Преградный станицасыннан Саловлардынъ балалар аьел ансамблининъ катнасувшыларынынъ мыратларын толтырмага буйырды. Коьп балалы аьелдинъ балалары Георгий, Тимофей, Михаил эм Семен - Преградный станицасынынъ балалар саният мектебининъ тербияланувшылары. Олардынъ суьйикли композицияларын тартув болган. «Мен олардынъ ойынларыннан да, яслар ман айкасувдан да коьнъилли болдым. Айлак сабыр, тербиялы, куллыксуьер эм яваплы яслар. Бир-бириси уьшин тавдай дирек боладылар. Ама уьйкен сыйлавлыкты ата-аналарына эм оларды карындасларына коьрсетедилер», - деп боьлиседи Инстаграмда оьзининъ официаллы бетинде регионнынъ Басшысы кол басувшылары ман. Коьп балалы аьелден кыздынъ - Сафия Карасовадынъ да мырады толды. Ол 8 ясында, ама ол шатраш бойынша КЧР-дынъ эм СКФО-дынъ алдышылыкларынынъ коьп кере енъуьвшиси. Онынъ мырады - КЧР Басшысы ман шатраш ойнав эди. Кызалактынъ мырады толды. Ети ясындагы Миленадынъ да сагынышы толтырылды. Кызалак айванларды коьрер уьшин Теберда заповеднигин йоклады. Заповедниктинъ директоры Алик Динаев Миланады эм онынъ аьесин оьзи озгарып юрди. «Быйыл биз баьри балалардынъ - социаллык учреждениелерининъ тербиял анувш ы л ары ны нъ , ата-анасыз калган балалардынъ мыратларын толтырмага, оннан баска авыр аьлде калган аьеллерди демевлемеге шалыстык. Ис досларымызга - власть органларынынъ басшыларына, депутатларга, «Единая Россия» партиясынынъ регионлык боьлигине, эпшиллик элшилерине, ямагатшылык аьрекетшилерге эм волонтерларга балаларга мыратларын толтырмага ярдам этетаганлары уьшин разылыкты билдиремен. Баьрисине берк ден савлыкты, берекетти, а бизим суьйикли балаларымызга - энъ наьсипли эм савлыклы болганларын сагынаман!» - деп язган Инстаграмдагы оьзининъ официаллы бетинде Рашид Темрезов.