арашай-Шеркеш , есп уб л и касы н ы н ъ Б а с
ш ы сы Р аш ид Тем резов Уллы Ат алы к кавгасы ны нъ вет ераны ,
Ч ер кесскт и н ъ я ш ав -
шысы Аф анасий Пет
рович Солнышкинди 100
йы ллык мерекеси мен
кутлады. Рашид Темрезов
Россия Федерациясынынъ
Президенти Владимир Путиннинъ кутлав адресин
окып эситтирди. Оькиметимиздинъ Басшысы 100
йыллыгын белгилейтаган
ветеранга берк ден салыкты,
коьнъил куватын эм онъайлыкты сагынды.
Аталыкты саклавда коьрсеткен йигитлиги, эрклиги
уьшин мерекеси болган куьн
Афанасий Солны ш кинди КЧР Басшысы «Карашай-Шеркеш Республикасы алдында сыйлары
уьшин» деген орден мен
савгалады.
Р еспубликам ы зды нъ
Басшысы ман бирге мерекешиге оьзлерининъ кутлавларын КЧР Халк Йыйынынынъ (Парламентининъ)
Председатели Александр
Иванов эм Черкессктинъ
мэри Руслан Тамбиев караттылар.
Афанасий Петрович конакларды байрам сыпырасына шакырды эм шай
ишуьв заманында юртымыздынъ Басшысына Уллы
Аталык кавга заманындагы хабарларын, немец-фашист шапкыншылары ман
куьресте совет халкынынъ
йигитлиги, кавгадан сонъгы
заманлар акында айтты.
«Куллыксуьерлик - Уллы
Аталык кавгасынынъ ветераны Афанасий Петрович
Солнышкиннинъ яс аркага
кенъеси. Бу затта: оьз исин,
оьз аьелин, оьз Элин суьювде, аьр куьнди баалап билуьвде, онынъ ойынша, аьр
аьдемнинъ етимисининъ
негизи.
Оьзининъ бир оьмирлик
мерекесин уьйкен эм татым
аьелдинъ басшысы балаларынынъ, йиенлерининъ эм
йиеншерлерининъ тоьгерегинде белгилейди.
«Онынъ узак оьмирлигининъ сыры акында соравга
яваплай келип, Афанасий
Петрович биринши шеретте республикамызда таза
булак сувынынъ эмлевши
куьши, оннан сонъ савлыклы яшав келбети эм спорт
акында белгилейди», - деп
язган Инстаграмда оьзининъ
официаллы бетинде КЧР
Басшысы Рашид Темрезов,
Афанасий Солнышкинди
йоклаганыннан сонъ.
Юртымыздынъ Басшысы
оьз кол басувшылары ман
мерекешидинъ яшавыннан
фактлар ман боьлискен.
Афанасий Солнышкин 1942
йылдынъ басында фронтка
шакырылган. 1942 йылдынъ
ноябрь айыннан алып 239
артиллериялык полкынынъ
77 стрелоклар дивизиясында кызмет кылган, разведкадынъ командири кебинде
Кавказ уьшин согыстынъ катнасувшысы болган. Севастопольди, Симферопольди
босатувда эм Кенигсберг
уьшин согыста катнаскан.
Фашист шапкыншылары
ман согысларда коьрсеткен
йигитлиги уьшин ол Кызыл Байрак Ордени мен эм
Аталык кавгасынынъ эки
дережели ордени мен савгаланган. 1946 йылда Япон
фронтыннан демобилизацияланган.
Афанасий Солнышкин
1969 йылдан алып Черкесскте яшайды, мунда ол
пенсияга шыкканшага дейим
Черкессктинъ химия заводында производстволык
боьлигининъ бухгалтери болып ислеген. Соьлеге дейим
ол мектеп окувшылары ман
йолыгысады, яс-явка ман
уьйкен патриотлык куллыкты
юргистеди.
КЧР Бас
Комментарии