КАРАШАЙ ХАЛКЫНЫНЪ АВЫР БАКТЫСЫ

Янъыларда Черкесскте «Мутылувга оьким кесилгенлер» деп аталган документальли фильмнинъ презентациясы озды. Ол 1943-1957 йылларга багысланган эди. Ол Уллы Аталык кавга йылларында эм Орта Азиядынъ шоьллеринде карашай халкы суьргинде болган йыллары. Карашайлар этникалык язавлавга ушыраган Керуьв Кавказдынъ биринши халкы болган. Халкка уьйкен йойым келтирилген. Язалавга ушыраганлардынъ коьбиси йолда эм коьшкен ерлеринде оьлген: 70 аьдемнен 43 мынънан артыгы оьлген, олардынъ санында 22 мынъ - балалар. Соны ман биргесине Уллы Аталык кавгасынынъ фронтларында 15 мынънан артык карашайлар согысканлар эм йигитликти коьрсеткенлер. Фильмнинъ съемкалары 8 айга ювык заман озганлар, оларда 400-ден артык аьдем катнаскан. Авторлар материалды россиялык регионларда эм тыс кыралларда: Казахстанда, Киргизияда, Белоруссияда эм Израильде йыйганлар.Оннан баска фильмде оьзге кавказ халкларынынъ -балкарлардынъ, ингушлардынъ эм шешенлердинъ бактылары акында айтылады. Коьрсетуьв уьйкен экранда, «Ясыл арал» паркынынъ амфитеатрында озган. Фильмнинъ премьерасына Карашай-Шеркеш Республикасынынъ Халк Йыйынынынъ (Парламентининъ) Председатели Александр Иванов, РФ Федерация Советининъ эм Оькиметлик Думадынъ агзалары, КЧР Басшысынынъ эм Правительствосы ны нъ Адм инистрациясынынъ етекшиси Мурат Озов, ямагатшылык организацияларынынъ элшилери, яшавшылар келген эдилер. Фильмнинъ авторлары уьйкен эсти хабарлавдынъ тарихлик дурыслыгына эс эткенлер. Олар тарихшилердинъ, экспертлердинъ эм сол йыллардынъ шаатларынынъ билдируьвлерине эм хабарларына таянганлар. Фильмнинъ ызында КЧР Басшысынынъ атыннан КЧР Халк Йыйынынынъ спикери Александр Иванов фильмнинъ авторларына соьзин каратты. - Бу фильм суьргинди басыннан кеширген, юртымыздынъ келеек аркалары уьшин маьнели. Олар сосындай кайгыды кайтармас уьшин баьри затты этпеге кереклер. Бизим ясы уьйкен аркалардынъ йигитликлери, куллыксуьерликлери эм яшавга ымтылыслыклары бизди янъы табынышларга, иске эм туьзуьвшенликке даьврендирсинлер уьшин тынышлыкты сакламага керек. Бизим кишкей Элимиз - Карашай-Шеркеш ери эм бизим суьйикли кыралымыздын' келеектегиси уьшин, - деди оьзининъ соьзинде Александр Иванов. Фильмде карашайлардынъ фашист шапкыншылары ман куьресте туткан орынлары, Уллы Аталык кавгасынынъ Баьтирлери, данъклы партизанлар, карашайлардынъ суьргинде йиберген йыллары, олардынъ бактылары, ис йигитликлери акында хабарланады. Р еспубликам ы зды нъ Басшысынынъ Указы ман журналист Антон Степаненко «Карашай-Шеркеш Республикасынынъ сыйлы журналисти» деген атка тийисли этилди, Марат Дураевке КЧР Басшысынынъ Сый грамотасы, фильмди туьзуьвде катнаскан тагы да бир неше аьдемге республикамыздынъ Басшысынынъ Разылык хатлары берилдилер. КЧР Басшысынынъ эм Правительствосынынъ пресс-службасы.