СКФО 19 проектов из Кабардино-Балкарии получили гранты Росмолодежи СКФО В столице Северной Осетии прошла «Встреча поколений» СКФО Фестиваль Движения Первых прошел в Махачкале СКФО В Кисловодске ликвидируют свыше 30 самовольно построенных сооружений Актуально Определены победители олимпиады «Умники и умницы Карачаево-Черкесии»

КЬАНГЬАШРА ЙАЗЫБЖУ РЫХЪАЗЛА

24.08.2019 153
КЬАНГЬАШРА ЙАЗЫБЖУ РЫХЪАЗЛА
Асквш 2018, мартI а 1 Россия а-Президент Путин Владимир а-Федеральна Айззара йазцауа йтшазынархара апны акъраль йабайару ауагІа шракІву йгьи акъральгІвчва рпхьадзара йалархІара акъральыгІва политика ахачІв хъадаква йшрыуу гІаликІгІатІ. Россия Федерация ауагІахъаква ргвбайара тынхаква рыщатала тшауацІыхра зму йгьи джьауапкІра злу абанпара гІадзныргылрагьи хІыжвлара ауыс хъадаква йрыуапІ. Асквш 2018, май а 7 агІан РФ а-Президент мачвы зцІайцІаз й-204-хауа а-Унашва апны йшгІалкІгІула, ан-абачва атгІачва бжьара уысквала рдырраква йрылархІарала межведомства ргІапсща гІаныршара ауыжвгІанчІви арыпхьара йацхърагІуштІ. ЖвагІсквша йыртудза саби зму ан-абачва психолого-педагогика йгьи хабаррдырга цхърагІара драдзара йазынарху «Поддержка семей, имеющих детей» федеральна проект нхитІ. Асквш 2018 декабрь агIан хІреспублика апны асабиква рарыпхьара-бжьара уысквала цхърагІара йазыбжу рыхъазла кьангьашра Квта гІандыршатІ. Ауи анкъвакъвра агІарбараквала грант гІатызгаз Черкесск й-11-хауа арыпхьара Квта апны йандыргІалтІ, апроект апкъ йтата хысквша анцІра ауи а-Квта ужвыгьи анкъвакъвра йаталалх ауаштІ. Акьангьашра Квта ъачІвагІагІвта 30-гІв нхитІ. Ауат йрыуата 9-гІвы Москва педагогика къральыгІва университет (МПГУ) апны ръачІвагІадырра йаладырхІауата акурсква йырхъыстІ, ужвыгьи 21-джв Къарча-Черкес арыпхьагІвчва ръачІвагІадырра йъаладырхІауа аинститут (РИПКРО) апны йадрыпхьуштІ. А-Квта тшазынадырхитI саби-ныкъвадыкъва зму, зсабиква асабигІзарта йымцауа, зсаби аунагІва даъата йапхьауа, згІари йъадабла, йтшауацІыхрала, ажвлара дшрыларжьуашла абаргвыраква йрынйауа ан-абачва йгьи анабачва рхъпшылрадъа йгІанхаз саби гІазахвра зтахъу абзазагІвчва. Ауат цхърагІара драдзарала анхара йгІаланадыркІитІ арыпхьарали наукали КЧР а-Министерства, КЧР-ла асаби йхвитнагІаквала ауполномоченна, КЧР а-Правительства апны йгІаныршу збальыгъ йнамдзас руысквала йгьи ауат рхвитнагІаква хчарала акомиссия, КЧР апсихолого-медицина-педагогика Квта акомиссия, амуниципальна гІаныршараква опекала рхъвшараква, арыпхьарала аунашвахъцІартаква, апхьартаква, РИПКРО, «Мой ангел» асаби-ныкъвадыкъваква ртшауацІыхрала а-Квта. Адгалра уысква рыхъвдаквпI «Надежда» социальна-реабилитация Квта, акоррекционна апхьартаква, апхьартаква рпны акьангьашра кабинетква, «Счастливое детство» асаби-ныкъвадыкъваква рцхърагІарала йгьи рреабилитацияла а-Квта. Июнь а 26 саби зму ан-абачва психология, педагогика, методика йгьи кьангьашра цхърагІара драдзарала апроект апрезентация просвещениела РФ а-Министерства апны йакІвшатІ. Ауи зхчуз агвып йалан арыпхьарали наукали КЧР аминистр Кравченко Инна Владимир йпхІа йгьи арыпхьара Квта аунашвачпагІв Ляшова Елена Владимир йпхІа. Апроект абзазара йаларжьуа йджвыквырцІищтара акьангьашра Квта алогопед, апсихолог, адефектолог, аметодист, абжьагІвы, аюрист, датшагьи аъачІвагIагІвчва хІреспублика арайонква зымгІвагьи хвыдъа йыртанхитІ. АзцIгІара зму Черкесск город, Кочубей йыхьыз зхъу аурам, й-28-хауа атдзы, 8-(8782)20-71-83 телефонла тшырзынашвырха; аэлектрон адрес: mousosh1151@mail.ru Акьангьашра Квта мшигІадза асахІат а 8 йгІашІарышвта асахІат а 20-дза йынхитІ.
153 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный