Псыжв кыт йтагылу «Алашара» сабигIзарта абзазара йалазжьыз ГвагвргIа ртгIачва ажвлара ззыразу йрыуапI. Ауи ауыс йацхърагIаз Гвагв Сергей йаба Кълычгьари щарда цIуата йгвы йтаз йырхъйатI. ГВАГВ Кълычгьари Уасман йпа аргваныта дыздыруаз йшырхIвауала, ауи йкытлагIвчва шIаква дырра бзи йгьи бжьаща пшдза рауырныс дазыгвжважвун. Арат амшква «Алашара» сабигIзарта апны хъмаштылра мшы акIвшатI, ауаъа Гвагв Кълычгьари Уасман йпа йчвахъабага гъвы гIахъыртIытI. Ари ачIахIра мшы йалан КЧР а-Правительства а-Председатель Къазанокъва Руслан, нхарали социальна тшауацIыхрали КЧР аминистр Кемов Мурадин, Абаза муниципальна район администрация ахъада Ныр МухIаджьыр, арайон ахъада Бажв Бадрудин, Псыжв кыт гIаныршара ахъада МалхIваз Рустам, акыт ахIбачва, асабигIзарта анхагIвчва, аъахIыльчва. Гвагв Кълычгьари Уасман йпа Саратов кытмлыкврхIара, ауи амщтахь Ставрополь кытмлыкврхIара институт ааспирантура дгIарылган, йынцIра шабгаз ауагIа млыкврхIара атшауацIыхра йазынайырхатI. Ауи аэкономика наукаква дыркандидатын, жвасквша райхIа Къарча-Черкес автоном область акытмлыкврхIара опыт станция адиректор анаука уысквала дизаместительын, йъачIвагIа дазцIабыргта йапшым амлыкврхIартаква дынхатI. – Абаза район апны йагъьыз хIыгIвычIвгIвысква рхъмаштылра ртлапIара цIас бзита йщаквгылтI. УахьчIва йгIахIгвалашвахуа Гвагв Кълычгьари Уасман йпа йынцIра шабгаз ауагIа дырзынхатI, ъачIвагIагIвчва щарда гIадзынйыргылтI, ашIаква рбжьара къару ду алайцIатI. Зцри кыт йазцIабыргыз ари агIвычIвгIвыс йпа Сергейгьи гвыцхIара йылата тшгIайырбитI, Псыжв кыт апхьартажв уыхварарчIаджьра нхарата йадзазла акврыдзраква зымгIва йара йхIзалихтI. УахьчIвала ари асабигIзарта хIреспубликала йагъьу йрылапхьадзапI, – йгIаликIгIатI Ныр МухIаджьыр йгIачважвара апны. КЧР а-Правительства а-Председатель Къазанокъва Руслан Гвагв Кълычгьари Уасман йпа абацынхъвыта дизалуан, ауи йпхара йылайхIватI, йбзира йыдпI. Ауи йшгIаликIгIазла, ахIба пшдза йхъмаштылра ртлапIара йара йыхъазлагьи змагIны дуу гIаншарапI. РынбжьагIв Кълычгьари пхата дгIаргвалашвахуата йгIачважватI ахIбачва Чым Амырби, Татаршвауа ХIамзат, Саратов институт йыцапхьаз Абыд Виталий. Гвагв Кълычгьари йчвахъабага гъвы гIахътIра КЧР а-Правительства а-Председатель Къазанокъва Руслан, Абаза район администрация ахъада Ныр МухIаджьыр йгьи Кълычгьари йпхIа Айуб Татьяна йырквнадыргатI. Аткъвым рыхьызла йгIачважваз ахъмаштылра мшы йгIадгылыз йшырзыразу рхIватI. Источник: riakchr.ru Предыдущая новость 1202 просмотров Следующая новость Читайте также АНЫШВКЪВАРАТГАРА АХВ ЙГЬАЗЫРАЗЫМ 11.03.2019 288 АРЫПХЬАГIВЧВА АСОГIАКВА РЫРТТI 03.11.2020 140 Получайте свежие новости на электронную почту Подписаться Комментарии Написать
Комментарии