ИЙГИ ТУЬРЛЕНИСЛЕРГЕ ТУСПАРЛАНЫП

3 ап рельде КЧР ден саелыкты саклае министерстеосынынъ коллегиясы озды. Йыйылыста еедомстеодынъ 2018 йылда озгарган куллыгынынъ тамамлары согылдылар эм 2019 йылга эсаплары белгилендилер. Коллегиядынъ куллыгында КЧР Правительствосынынъ Председателининъ орынбасары Джанибек Суюнов, КЧР Халк Йыйынынынъ социаллык политика, яшавшылардынъ ден савлыкларын коршалав эм экология бойынша комитетининъ председатели Елена Червонова, КЧР бойынша Роспотребнадзордынъ, КЧР бойынша Росздравнадзордынъ юртлык управлениелерининъ, парызлы медициналык кавыфсызландырувдынъ юртлык фондынынъ етекшилери, ден савлыкты саклав куллыкшыларынынъ республикалык профсоюз советининъ председатели, медициналык организацияларынынъ бас врачлары эм баскалар катнастылар. КЧР ден савлыкты саклав министри Казим Шаманов докпадында озган йылда ден савлыкты саклав тармагында уьстинликли йоьнелислер акында видеокоьрсетуьвлер аркалы хабарлады. Айтпага, регионда яшавшылардынъ табиат оьсуьви сакланган. Саьбийлердинъ оьлуьвлери, кан айланыс туьзилиси, онкология, туберкулез маразларыннан оьлуьвлер коьрсетими тоьменлеген. Медициналык кадрларды аьзирлев эм медицина куллыкшыларынынъ усталыкларын оьстируьв бойынша куллык бардырылган. «Земский доктор» программа бойынша авыл еринде куллык этуьвге 64 врач куллыкка алынган. Медицина куллыкшыларынынъ баьри туьрлилерине кыйын акты тоьлев бойынша коьрсетимлерге етисилген. 2018 йылда медициналык организацияларынынъ материал-техникалык базалары беркитилген. Кулланувга янъы онкологиялык диспансер, коьп йоьнелисли республикалык балалар больницасы, республикалык перинаталь орталыгынынъ лабораторлык корпусы берилгенлер. Оннан баска, Балалар уьйинде, Кишкей Карашай орталык район больницасында, психиатриялык больницада айырым боьликлерининъ ремонты озгарылган. Карачаевсктинъ орталык кала больницасынынътоьбеси авыстырылган эм Тебердадынъ участок больницасынынъ тысына ремонт этилген, район поликлиникасынынъ курылысы басланган. Усть-Джегута районынынъ Койдан авылында янъы ФАП-тынъ янъы меканы эм Сары-Тюз авылында врачлык амбулаторияга косымша мекан кулланувга берилгенлер. Косымша меканда тезлик ярдам пункты эм куьндизги стационар орынласкан. Прикубан районынынъ Ударный участок больницасында рентген, эндоскопиялык, специалистлердинъ кабинетлерине, балалардынъ ойынлар боьлмесине, йылувлык трассасына ремонт этилген. Сондай болып ремонт Чапаевское селосынынъ врачлык амбулаториясында этилген. Холоднородник селосы ­ нынъ ФАП-на йылувлык киргистилген. Уруп район орталык больницасында балалар боьлигине, йылувлык беруьв туьзилисининъ айырым ерлерине ремонт этилген, Курджиново селосынынъ ФАП-на ремонт этилген. Черкесск каласынынъ керуьв бетинде 450 орынга карарланган кала поликлиникасынынъ курылысы тамамланады. Сол аркалы бу районда яшайтаганларга медициналык ярдам этуьв етерше болаяк. Сонъгы уьш йылдынъ бойында республикада санитарлык транспорт 44 коьликке янъыртылган. Р е с п у б л и ка д а йы л - дан-йылга озгарылатаган йогары технологиялык операциялардынъ саны 2013 йылда 80 операциядан 2018 йылда 142 операцияга дейим оьскен. Етимисли кепте уьйкенлер эм кишкейлер арасында диспансеризация эм вакцинация программалары таралтыладылар. Министр Казим Шаманов 2019 йылга эсапларды белгилей келип, олардынъ «Ден савлыкты саклав» эм «Демография» миллет проектлерининъ калыбында 8 регионлык программада коьрсетилгенлерин билдирди. Олар Россия Президенти 2018 йылдынъ 8 майында алган «2024 йылга дейим Россия Федерациясынынъ оьрленуьвининъ миллет мыратлары эм стратегиялык эсаплары акында» 204 номерли Указынынънегизинде алынганлар. Республикада ден савлыкты саклавдынъ баслапкы звеносынынъ, бала табув эм балалык учреждениелерининъ материал-техникалык базасын беркитуьв, регионлык кан тамыр орталыгын янъыртув, онкология, кан тамырлар туьзилисининъ маразларыннан оьлуьвлерди, саьбийлердинъ оьлуьвлерин тоьменлетуьв, кадрлар етиспевлигин тайдырув, билдируьвлер технологияларын эндируьв бойынша амалламалар озгарылаяклар. «2019-2024 йылларга КЧР ден савлыгынынъ оьрленуьви» оькиметлик программа ман маразларды профилактикалав, савлыкпы яшав келбетин (ЗОЖ) эндируьв, медициналык ярдам этуьвдинъ етерше эм сапатлы болувын канагатлав бойынша амалламалар озгарылаяклар.