ИНАСК1ЬАХЬАЗ АУАПАКВА ГВАТРА РЗАЛЫРХТ!

Атажв-лыгажвква рдуней Мшы йадах1вуата Черкесск апны йнаск1ьахьу ауаг1аква йгьи аныкъвадыкъваква йырзалху а-Тдзыинтернат апны ч1ах1ра гвыргъьахъв ак!вшат!. Ари асоциальна Тдзы абзазаг!вчва агвыргъьахъвла йрайх!вах!вт! КЧР Ажвлара палата апредседатель М О ЛДО ВАН О ВА Вера йгьи нхарали социальна тшауац!ыхрали КЧР аминистр йзаместитель ХАЧИРОВ Кемал. Атажв-лыгажвква рх!вах!вра рзынадырхат! йгьи асог!аквала йдыргвыргъьат! Черкесск й-19-хауа Гимназия апхьаг!вчвагьи. Агвыргъьахъв пхата йак!вшат!. Аурышв уаг!ахъа ашваква зх!ваз ЗЕМЦОВА Медия, алашвква рроссия анкъвакъвра фестиваль апхъагылаг!в СОРОКИНА Татьяна йгьи й-19-хауа Гимназия апхьаг!вчва йызхъазык!та йг!анхаз атажв-лыгажвква ргвы пшыхь тадрыст!. А-Тдзы-интернат абзазаг!вчвагьи рырш!ыйара г!адырбат!. ГУЛЬМ АНОВ Валентин, ТКАЧЕВ Александр йгьи «Кумушки» гвып рашва кьахвквали руысаквали агвыргъьахъв дрыпшдзат!. Ауи йг!адгылыз а-Пенсия Фонд анхаг!вчвагьи а-Тдзы-интернат збзазартахаз атажв-лыгажвква йрайх!вах!вра йахъазымк!ва, апенсия уысква псахрата йг!арылалызгьи йахадырг!вазат!. Ауи апшта, асквш 2019 аг!ан йнымхахуа апенсионерква рпенсияква йшг!арыцылуаш, уахьч!вала квтанай пенсията йщаквгылу асом 14,4 зыкь йг!аквхта ауи сом зыкьла йшайх!ахуш рх!ват!. Атажв-лыгажвква ари атшын гватрата йырзалырхыз йшарыразуа йгвыргъьуз рлактаквала йг!аугвынг!вуан. ■ «Росгвардия» КЧР-ла а-Унашвахъц!арта анхаг!вчвагьи атажв-лыгажвква ргвыргъьахъв Мшы гватрадъа йыгьг!анырымжьт!. Ауат ззцаз Черкесск абзазаг!в, Абашта айсра Ду аветеран САВЕНКО Иван Иван йпа гвщт!ыхра йылата йрайгват!. Аветеран Монголия апны къвырльыкъв шихаз, К!авк!аз аг!архвитхрала айбащраква дшрылаз асасчва йрайх!вт!. - «Росгвардия» х!рыцта йгьызным арат йрапшу анйараква анак!вх!ыршауа, - йг!алылк!г!ат! Черкесск городла аветеранква р-Совет апредседатель Печура Надежда. - Х!ветеранква тшызлаг!ах!зынадырхауа ауысквала цхъраг!ара дх!ымрадзауата йгьаг!вх!щтуам. Йх!хауа ауыс йг!адзынгылуа абанпара швапхата йырзалит!. Чк!вынырг!а патриотра рылата амамыр х!зыг!атызгаз ах!бачва йрайгвг!вырныс шырборчула рджьауапк!ра йаланарх!ит!. «Росгвардия» акъвырльыкъвхаг!вчва аветеран Иван Иван йпа цхъраг!ара йзыг!андыршауата дызлах!ваз аунаг!ва уысква йзырчпат!. Авзвод акомандир, акапитан Дзанаев Сергей йшг!алик!г!азла, цхъраг!ара йазыбжу йанак!вызлак!гьи ауи ддрадзарныс йх!азырп!.