Быйылны ахырына Майский муниципал къуралышны къурамында Родниковский хуторну таза суу бла баджарлыкъ системаны къурулушу тамамланныкъды.Родниковский хуторда 500 адам джашайды.Аланы таза суу бла баджарыргъа джораланнган къурулуш ишле «Устойчивое развитие села» деген программаны тамалында бардырыладыла.Бюгюнлюкде ишни 80 проценти баджарылгъанды. План бла джангы суу быргъы джылны ахырына хайырландырылыб башланныкъды. «Арт кёзюуде хуторну суу бла баджаргъан быргъы асыры тозурагъандан джараусуз болгъан эди. Юйлеринде суу болмаса да, родниковскийчилеге суу машинала бла ташылыб тургъанды да, ала суу керекли хазна инджилмегендиле. Бу къурулуш ишле тамамлансала уа, ала ичер суу бла толу баджарыллыкъдыла», - дейди Къобан районну администрациясыны башчысы Къазийланы Хусейн.Источник: riakchr.ru
Комментарии