Къэрэшей-Черкес Республикэм и промышленностым, экономикэ зыужьыныгъэм, социальнэ лъэныкъуэм я гугъу пщIымэ, абыхэм къыгуэхыпIэ имыIэу епхащ Хьэбэз районым щылажьэ, Аргун Олег зи генеральнэ унафэщI «Хьэбэз жыпс завод» ОАО-р. Заводым къыщIигъэкI продукцэм щыгъуазэр, щIэупщIэныгъэ здиIэр хэгъуэгу закъуэракъым. Абы и зэпыщIэныгъэ-зэдэлэжьэныгъэ къуэпсхэм быдэу зыщаубгъуащ нэгъуэщI хэгъуэгухэми, уеблэмэ хамэ къэралхэми. Зэры-Урысейуэ, Ищхъэрэ, ипщэ Кавказым, щхьэзакъуэ IуэхущIэхэм… КъебжэкIыгъуафIэкъым мы IуэхущIапIэр зыдэлажьэ псори. Апхуэдэ дыдэщи, къебжэкIыгъуейщ и IуэхущIафэ псори, абыхэм ящIыгъужщ псапащIэ Iуэху угъурлыри. Зэман гуэркIэ узэIэбэкIыжу, заводым и гуащIэдэкIыр зэрыригъэжьам уриплъэжрэ, иджы зыхунэса лъагапIэхэм уахудэплъеймэ, умыгъэщIэгъуэнкIэ Iэмал иIэкъым заводым, ар зи нэIэ щIэт унафэщIхэмрэ лэжьакIухэмрэ я лъэкIыныгъэр, я лэжьэкIэ щапхъэр, IуэхущIапIэм и уардагъыр. АтIэ, жыпс заводым лэжьэн щыщIидзам и къарур мащIэт: зы сыхьэтым жыпсу къыщIигъэкIыр зы тоннт. Нобэ а бжыгъэр куэдкIэ игъэбэгъуащ, ухуэныгъэм къыщагъэсэбэп пкъыгъуэ зэмылIэужьыгъуэ куэд къыщIегъэкI, зэпыщIэныгъэхэм зарегъэубгъу зэпыт, и лэжьэкIэм ирегъэфIакIуэ мычэму, технологие, оборудованэщIэр къигъэсэбэпкIэрэ зэманым добакъуэ,, я щIэныгъэм хегъахъуэ. Арыншэуи хъунукъым. Дызыщыпсэу лIыщIыгъуэм псэукIэм апхуэдизымкIэ зехъуэж, йофIакIуэри, махуэ къэс къежьэ щIэщыгъуэм укIэлъымыхьэнри ебгъэжьа Iуэхур екIакIуэу зэхуэпщIыжыпэнри зыщ. Ар хьэкъыу зыхещIэ Аргун Олег. Ар—зи Iуэхум, хыхьэхэкIым, сату утыкум къыщыхъу-къыщыщIэм тыншу щыгъуэзэф, зытезыгъэпсыхьыф, щIэныгъэ куу зыбгъэдэлъ IуэхущIэщ, хыхьэхэкIщ, мэкъумэшыщIэщ. Арыншэуи ар зи пашэ предприятэ лъэрыхьым хуэдэм и Iуэху зебгъэкIуэныр, цIыхуу игъэлажьэм хуэдизым я арэзыныгъэ къэплъэщу улэжьэныр нокIуэкIэ зэфIэмыкIынтэкъым. Жыпс заводым кыщIигъэкI продукцэм и гугъу пщIынумэ, ар фIагъ лъагэ зиIэ, экологическэу къабзэ, быдагъэмрэ дзыхьымрэ зыгъэщыпкъэжыфщ. Аращ, уеблэмэ, зи лэжьэкIэ Iэдэбрэ щыпкъагъэрэкIэ дэнэкIи къыщацIыху нэмыцэхэр, абыхэм я фирмэ лъэрыхьхэр къыдэлэжьэну щIыхьэзырыр. ЩIыуэпс и лъэныкъуэкIэ убгъэдыхьэмэ, заводым и унафэщIыр сыт щыгъуи и телъхьэщ абы хуэсакъыным. Абы ипкъ иткIэри, хьэуар, псыр, дыкъэзыухъуреихь дунейр къабзэу къызэтенэным, абы заводым и зэран иримыгъэкIыным и Iэмалхэр псори зэрехьэ, къабзагъэмрэ шынагъуэншагъэмрэ тегъэпсыхьа оборудованэхэр къегъэсэбэп. Илъэс гуэрхэкIэ узэIэбэкIыжмэ, Аргун Олег и лэжьапIэм зыщыIудгъащIэри депсэлъауэ щытащ. Апщыгъуэм къыджиIахэм дриплъэжкIэрэ жытIэфынущ нобэ заводыр зыхунэсам лъэкIыныгъэ къарет къыщIагъэкI подукцэр пщIэнейкIэ хагъэхъуэну. Яухуащ жыпсу зы сыхьэтым тонн 20-25-рэ къыщIэзыгъэкIыфыну хьэкушхуэхэр. Лажьэу яутIыпщащ лъэщапIэхэр. Абы къикIращи, лэжьапIэщIэхэр къэунэхуащ, бы къыдэкIуэу я унагъуэхэр зэрагъэпсэуфын улахуэ къахь, социальнэу хъумащ. Ащыгъуэми, унафэщIым лъэпкъ зэхэгъэж имыщIу, лэжьапIэкIэ къызэрегъэпэщ лъэпкъ зэхуэмыдэхэм къахэкIахэр. ЦIыху псори зэрызэхуэдэр, абыхэм я цIыхугъэ, я лэжьэкIэ къинэмыщIауэ, нэгъуэщI пылъхьэ яхуэпщIыныр зэрыемыкIур Олег и адэ Iэбубэчыр (ахърэт нэхур увыIэпIэ хуищI) щIэину къыхуигъэна гупсысэ лъагэщ, гъащIэ щытыкIэщи, апхуэдэ цIыху зэхущытыкIэм, бгъэдыхьэкIэм и телъхьэу мэлажэ, мэпсэу къуэр. Игъэлажьэ цIыхухэр къызэрегъэпэщ ерыскъы пщтыркIэ, заводым и шхапIэм щошхэхэ, улахуэр и пIалъэм къахь, зыгъэпсэхупIэхэм макIуэ, я лэжьыгъэри, я зыгъэсэхугъуэри къахузэрегъэпэщ. И адэм, и адэшхуэм я лъагъуэм ирикIуэкIэрэ, я щапхъэм теткIэрэ, щыпкъэу къыкъуэтщ и къуэ Мурат. Ар заводым и зыгъэзащIэ унафэщIщ. И IэнатIэ лъагапIэм къеплъыхыу цIыхур зымылъагъу, адэм и зэфIэкIым ирикъей щIалэхэм ящыщкъым Мурат. Олеги зэрыгушхуэнщи, езым къыкIэрымыхуу мэлажьэ. ХуэIэрыхуэщ ищIэ Iуэхум, яхуэгумахэщ зыхэт цIыху лэжьакIуэхэм. ЖыIэпхъэщи, Олег и телъхьэщ икIи сыт щыгъуи къыхегъэщ щIалэгъуалэр Iуэхум хуэжыджэру гъэсэн зэрыхуейр, лэжьэным нэхъ хакъуэу къэгъэтэджыпхъэу къызэрынэр. Езым къелъытар ещIэ абы и лъэныкъуэкIэ. Заводым щолажьэ щIалэгъуалэ куэд, яхэтщ абыхэм еджэныгъэм хуиунэтIахэри, еджахэри. ИужькIэ абыхэм лэжьапIэ щагъуэтыжынущ жыпс заводым. Къыхэгъэщыпхъэщи, и ныбжьым емылъытауэ, Аргун Олег езыми щIэныгъэм ену зыхуеший. Хамэ къэралхэм макIуэрей. Абыхэм щызрегъэлъагъу езым игъэлажьэ производствэм хуэдэхэр зэрылажьэр, зыщрегъасэ, щызрегъэцIыху щIэр, фIыр, иужькIи ехъулIэныгъэкIэ и лэжьыгъэм къыщегъэсэбэп. Аргун Олег и къулыкъу Iэнатэр щрихьэкIыр жыпс заводрами, зэгуэрми IэщIыб имыщIауэ, ноби пещэ и адэм и гъащIэ Iыхьэу щыта, и гуащIэдэкI гъуэгуанэр зыщрихьэкIа мэкъумэш хъызмэтыр. Республикэми, адэжкIи къыщацIыху «ПIатIэ» хъызмэтышхуэм и ехъулIэныгъэхэр, и лэжьэкIэм щапхъэ трах. Мыбдежми зыужьыныгъэр щытепщэщ. Техникэ нэхъ лъэрыхьхэр, технологие нэхъ щIэщыгъуэхэр пэрыхьэту хъызмэтым къыщагъэсэбэп. Абы республикэм, КъЧР-м мэкъумэш хъызмэтымкIэ и министерствэм къыхуищI дзыхьым и щыхьэту илъэс гуэрхэкIэ узэIэбэкIыжмэ дзхь къыхуищIауэ щытащ хамэ къэралхэм къыраша, абердино-ангусс жэм лъэпкъыфIхэр ипIыныр, игъэбэгъуэныр. А къалэн мытыншыр, жэуаплыгъэ лъагэ зыпылъыр щытхъу хэлъу къызэфIигъэкIащ хъызмэтым. Дзыхь къыхуащIа жэм бжыгъэр хэкIуэдыкIыншэу ипIащ, хэхъуэфI иригъэщIащ. Хъызмэтым щIыгуу бгъэдэлъым зы илъэси химыгъэщIу, егъэлажьэ. Абы къыщымынэу, дзыхь къыхуэзыщIу зи щIыгу Iыхьэ къезыт къуажэдэсхэм яйхэри егъэлажьэри, илъэсым и кIэм зэдогуэшэж, зэхуэарэзыщ. Мыбдежи Олег и дуней тетыкIэ унэтIыныгъэ нэхъыщхьэр къыщыхощ: и зэфIэкI къызэрихькIэ сыткIи цIыхухэм ядэIэпыкъун. Тхыгъэм и кIэм къэтхьыну дыхуейт илъэс зэхуэмыдэхэм Аргун Олег дедгъэкIуэкIа зэпсэлъэныгъэхэм къыхэтхыжа и псалъэхэр. Абыхэм къахощ щIэныгъэ, цIыхугъэ, лэжьыгъэ, нэгъуэщI лъэныкъуэ псоми ехьэлIа, Олег и гупсысэхэр: —Продукцэр нэхъыбэ, абы и фIагъыр нэхъри лъагэ тщIыным дыхущIэкъунущ. Си гупсысэ нэхъыщхьэр аращи, цIыхум и пщIэнтIэпскIэ къилэжьжам нэхъ IэфI щыIэкъым. ФIыуэ упсэуну ухуеймэ—куэду лажьэ. Ар хьэкъыу си фIэщ мэхъу сэ. IуэхущIапIэр зейр унафэщIэракым, ар и щхьэ хуэлэжьэжу щытми. АтIэ, лэжьакIуэ гупращ зэлъытар зыужьыныгъэри, ипэкIэ укIуэтэнри. Абыхэм къыбдаIыгъ Iэмалращ нэгъэсауэ Iуэхум хэпща хъунур. «Старая гвардия» фIэсщауэ, си лэжьыгъэр щезгъэжьа махуэм щегъэжьауэ сщIыгъущ лэжьакIуэхэр. Абыхэм сыт хуэдэ лъэныкъуэкIи дзыхь яхузощI, сыт хуэдэ лъэпощхьэпо димыхуами, зэгъусэу догуэщI. Мурат си лэжьэгъу, зи къалэн зыгъэзащIэ IэщIагъэлIщ сызэрыхущытыр, мыхъумэ IыхьлыгъэкIэ сещэкъым. Ар мы IуэхущIапIэм къыIухьэу илъэсищкIэ лэжьа, и Iуэху зехьэкIэм цIыхухэр щыгъуэза нэужьщ, унафэщIу трагъэхьэныр дзыхь къыщыхуащIар. А дзыхьыр игъэпэжыжу, заводым и Iуэху игъэкIуатэу щыслъагъукIэ, си гуапэщ. Гугъэ куэд сиIэщ: еджапIэ купсэ сухуэн, лъэщапIэхэр хэзгъэхъуэн, заводым зезгъэубгъун. ИкIи а псори щысщIэнур, щызухуэнур си пщIэнтIэпс зхэпщIа си щIыналъэжьщ.
Къэрэшей-Черкес Республикэм и промышленностым, экономикэ зыужьыныгъэм, социальнэ лъэныкъуэм я гугъу пщIымэ, абыхэм къыгуэхыпIэ имыIэу епхащ Хьэбэз районым щылажьэ, Аргун Олег зи генеральнэ унафэщI «Хьэбэз жыпс завод» ОАО-р. Заводым къыщIигъэкI продукцэм щыгъуазэр, щIэупщIэныгъэ здиIэр хэгъуэгу закъуэракъым. Абы и зэпыщIэныгъэ-зэдэлэжьэныгъэ къуэпсхэм быдэу зыщаубгъуащ нэгъуэщI хэгъуэгухэми, уеблэмэ хамэ къэралхэми. Зэры-Урысейуэ, Ищхъэрэ, ипщэ Кавказым, щхьэзакъуэ IуэхущIэхэм… КъебжэкIыгъуафIэкъым мы IуэхущIапIэр зыдэлажьэ псори. Апхуэдэ дыдэщи, къебжэкIыгъуейщ и IуэхущIафэ псори, абыхэм ящIыгъужщ псапащIэ Iуэху угъурлыри. Зэман гуэркIэ узэIэбэкIыжу, заводым и гуащIэдэкIыр зэрыригъэжьам уриплъэжрэ, иджы зыхунэса лъагапIэхэм уахудэплъеймэ, умыгъэщIэгъуэнкIэ Iэмал иIэкъым заводым, ар зи нэIэ щIэт унафэщIхэмрэ лэжьакIухэмрэ я лъэкIыныгъэр, я лэжьэкIэ щапхъэр, IуэхущIапIэм и уардагъыр. АтIэ, жыпс заводым лэжьэн щыщIидзам и къарур мащIэт: зы сыхьэтым жыпсу къыщIигъэкIыр зы тоннт. Нобэ а бжыгъэр куэдкIэ игъэбэгъуащ, ухуэныгъэм къыщагъэсэбэп пкъыгъуэ зэмылIэужьыгъуэ куэд къыщIегъэкI, зэпыщIэныгъэхэм зарегъэубгъу зэпыт, и лэжьэкIэм ирегъэфIакIуэ мычэму, технологие, оборудованэщIэр къигъэсэбэпкIэрэ зэманым добакъуэ,, я щIэныгъэм хегъахъуэ. Арыншэуи хъунукъым. Дызыщыпсэу лIыщIыгъуэм псэукIэм апхуэдизымкIэ зехъуэж, йофIакIуэри, махуэ къэс къежьэ щIэщыгъуэм укIэлъымыхьэнри ебгъэжьа Iуэхур екIакIуэу зэхуэпщIыжыпэнри зыщ. Ар хьэкъыу зыхещIэ Аргун Олег. Ар—зи Iуэхум, хыхьэхэкIым, сату утыкум къыщыхъу-къыщыщIэм тыншу щыгъуэзэф, зытезыгъэпсыхьыф, щIэныгъэ куу зыбгъэдэлъ IуэхущIэщ, хыхьэхэкIщ, мэкъумэшыщIэщ. Арыншэуи ар зи пашэ предприятэ лъэрыхьым хуэдэм и Iуэху зебгъэкIуэныр, цIыхуу игъэлажьэм хуэдизым я арэзыныгъэ къэплъэщу улэжьэныр нокIуэкIэ зэфIэмыкIынтэкъым. Жыпс заводым кыщIигъэкI продукцэм и гугъу пщIынумэ, ар фIагъ лъагэ зиIэ, экологическэу къабзэ, быдагъэмрэ дзыхьымрэ зыгъэщыпкъэжыфщ. Аращ, уеблэмэ, зи лэжьэкIэ Iэдэбрэ щыпкъагъэрэкIэ дэнэкIи къыщацIыху нэмыцэхэр, абыхэм я фирмэ лъэрыхьхэр къыдэлэжьэну щIыхьэзырыр. ЩIыуэпс и лъэныкъуэкIэ убгъэдыхьэмэ, заводым и унафэщIыр сыт щыгъуи и телъхьэщ абы хуэсакъыным. Абы ипкъ иткIэри, хьэуар, псыр, дыкъэзыухъуреихь дунейр къабзэу къызэтенэным, абы заводым и зэран иримыгъэкIыным и Iэмалхэр псори зэрехьэ, къабзагъэмрэ шынагъуэншагъэмрэ тегъэпсыхьа оборудованэхэр къегъэсэбэп. Илъэс гуэрхэкIэ узэIэбэкIыжмэ, Аргун Олег и лэжьапIэм зыщыIудгъащIэри депсэлъауэ щытащ. Апщыгъуэм къыджиIахэм дриплъэжкIэрэ жытIэфынущ нобэ заводыр зыхунэсам лъэкIыныгъэ къарет къыщIагъэкI подукцэр пщIэнейкIэ хагъэхъуэну. Яухуащ жыпсу зы сыхьэтым тонн 20-25-рэ къыщIэзыгъэкIыфыну хьэкушхуэхэр. Лажьэу яутIыпщащ лъэщапIэхэр. Абы къикIращи, лэжьапIэщIэхэр къэунэхуащ, бы къыдэкIуэу я унагъуэхэр зэрагъэпсэуфын улахуэ къахь, социальнэу хъумащ. Ащыгъуэми, унафэщIым лъэпкъ зэхэгъэж имыщIу, лэжьапIэкIэ къызэрегъэпэщ лъэпкъ зэхуэмыдэхэм къахэкIахэр. ЦIыху псори зэрызэхуэдэр, абыхэм я цIыхугъэ, я лэжьэкIэ къинэмыщIауэ, нэгъуэщI пылъхьэ яхуэпщIыныр зэрыемыкIур Олег и адэ Iэбубэчыр (ахърэт нэхур увыIэпIэ хуищI) щIэину къыхуигъэна гупсысэ лъагэщ, гъащIэ щытыкIэщи, апхуэдэ цIыху зэхущытыкIэм, бгъэдыхьэкIэм и телъхьэу мэлажэ, мэпсэу къуэр. Игъэлажьэ цIыхухэр къызэрегъэпэщ ерыскъы пщтыркIэ, заводым и шхапIэм щошхэхэ, улахуэр и пIалъэм къахь, зыгъэпсэхупIэхэм макIуэ, я лэжьыгъэри, я зыгъэсэхугъуэри къахузэрегъэпэщ. И адэм, и адэшхуэм я лъагъуэм ирикIуэкIэрэ, я щапхъэм теткIэрэ, щыпкъэу къыкъуэтщ и къуэ Мурат. Ар заводым и зыгъэзащIэ унафэщIщ. И IэнатIэ лъагапIэм къеплъыхыу цIыхур зымылъагъу, адэм и зэфIэкIым ирикъей щIалэхэм ящыщкъым Мурат. Олеги зэрыгушхуэнщи, езым къыкIэрымыхуу мэлажьэ. ХуэIэрыхуэщ ищIэ Iуэхум, яхуэгумахэщ зыхэт цIыху лэжьакIуэхэм. ЖыIэпхъэщи, Олег и телъхьэщ икIи сыт щыгъуи къыхегъэщ щIалэгъуалэр Iуэхум хуэжыджэру гъэсэн зэрыхуейр, лэжьэным нэхъ хакъуэу къэгъэтэджыпхъэу къызэрынэр. Езым къелъытар ещIэ абы и лъэныкъуэкIэ. Заводым щолажьэ щIалэгъуалэ куэд, яхэтщ абыхэм еджэныгъэм хуиунэтIахэри, еджахэри. ИужькIэ абыхэм лэжьапIэ щагъуэтыжынущ жыпс заводым. Къыхэгъэщыпхъэщи, и ныбжьым емылъытауэ, Аргун Олег езыми щIэныгъэм ену зыхуеший. Хамэ къэралхэм макIуэрей. Абыхэм щызрегъэлъагъу езым игъэлажьэ производствэм хуэдэхэр зэрылажьэр, зыщрегъасэ, щызрегъэцIыху щIэр, фIыр, иужькIи ехъулIэныгъэкIэ и лэжьыгъэм къыщегъэсэбэп. Аргун Олег и къулыкъу Iэнатэр щрихьэкIыр жыпс заводрами, зэгуэрми IэщIыб имыщIауэ, ноби пещэ и адэм и гъащIэ Iыхьэу щыта, и гуащIэдэкI гъуэгуанэр зыщрихьэкIа мэкъумэш хъызмэтыр. Республикэми, адэжкIи къыщацIыху «ПIатIэ» хъызмэтышхуэм и ехъулIэныгъэхэр, и лэжьэкIэм щапхъэ трах. Мыбдежми зыужьыныгъэр щытепщэщ. Техникэ нэхъ лъэрыхьхэр, технологие нэхъ щIэщыгъуэхэр пэрыхьэту хъызмэтым къыщагъэсэбэп. Абы республикэм, КъЧР-м мэкъумэш хъызмэтымкIэ и министерствэм къыхуищI дзыхьым и щыхьэту илъэс гуэрхэкIэ узэIэбэкIыжмэ дзхь къыхуищIауэ щытащ хамэ къэралхэм къыраша, абердино-ангусс жэм лъэпкъыфIхэр ипIыныр, игъэбэгъуэныр. А къалэн мытыншыр, жэуаплыгъэ лъагэ зыпылъыр щытхъу хэлъу къызэфIигъэкIащ хъызмэтым. Дзыхь къыхуащIа жэм бжыгъэр хэкIуэдыкIыншэу ипIащ, хэхъуэфI иригъэщIащ. Хъызмэтым щIыгуу бгъэдэлъым зы илъэси химыгъэщIу, егъэлажьэ. Абы къыщымынэу, дзыхь къыхуэзыщIу зи щIыгу Iыхьэ къезыт къуажэдэсхэм яйхэри егъэлажьэри, илъэсым и кIэм зэдогуэшэж, зэхуэарэзыщ. Мыбдежи Олег и дуней тетыкIэ унэтIыныгъэ нэхъыщхьэр къыщыхощ: и зэфIэкI къызэрихькIэ сыткIи цIыхухэм ядэIэпыкъун. Тхыгъэм и кIэм къэтхьыну дыхуейт илъэс зэхуэмыдэхэм Аргун Олег дедгъэкIуэкIа зэпсэлъэныгъэхэм къыхэтхыжа и псалъэхэр. Абыхэм къахощ щIэныгъэ, цIыхугъэ, лэжьыгъэ, нэгъуэщI лъэныкъуэ псоми ехьэлIа, Олег и гупсысэхэр: —Продукцэр нэхъыбэ, абы и фIагъыр нэхъри лъагэ тщIыным дыхущIэкъунущ. Си гупсысэ нэхъыщхьэр аращи, цIыхум и пщIэнтIэпскIэ къилэжьжам нэхъ IэфI щыIэкъым. ФIыуэ упсэуну ухуеймэ—куэду лажьэ. Ар хьэкъыу си фIэщ мэхъу сэ. IуэхущIапIэр зейр унафэщIэракым, ар и щхьэ хуэлэжьэжу щытми. АтIэ, лэжьакIуэ гупращ зэлъытар зыужьыныгъэри, ипэкIэ укIуэтэнри. Абыхэм къыбдаIыгъ Iэмалращ нэгъэсауэ Iуэхум хэпща хъунур. «Старая гвардия» фIэсщауэ, си лэжьыгъэр щезгъэжьа махуэм щегъэжьауэ сщIыгъущ лэжьакIуэхэр. Абыхэм сыт хуэдэ лъэныкъуэкIи дзыхь яхузощI, сыт хуэдэ лъэпощхьэпо димыхуами, зэгъусэу догуэщI. Мурат си лэжьэгъу, зи къалэн зыгъэзащIэ IэщIагъэлIщ сызэрыхущытыр, мыхъумэ IыхьлыгъэкIэ сещэкъым. Ар мы IуэхущIапIэм къыIухьэу илъэсищкIэ лэжьа, и Iуэху зехьэкIэм цIыхухэр щыгъуэза нэужьщ, унафэщIу трагъэхьэныр дзыхь къыщыхуащIар. А дзыхьыр игъэпэжыжу, заводым и Iуэху игъэкIуатэу щыслъагъукIэ, си гуапэщ. Гугъэ куэд сиIэщ: еджапIэ купсэ сухуэн, лъэщапIэхэр хэзгъэхъуэн, заводым зезгъэубгъун. ИкIи а псори щысщIэнур, щызухуэнур си пщIэнтIэпс зхэпщIа си щIыналъэжьщ.
Получайте свежие новости на электронную почту
Комментарии