ГЕОГРАФИЯ ДИКТАНТ РГIВЫТI

Россия Федерация а-Президент Путин Владимир йгIаджвыквцIарала ноябрь а 11 йгIашIарышвта ноябрь а 15-дза акъральла «Географический диктант» акция акIвшатI. Абаза муниципальна районла адиктант Псыжв йапхъахауа Гимназия апны йыргIвлитI. Ауи ныбыжьла йахъцамкIва йызтахъу зымгIва алалырныс хвитнагIа рымапI. ЙагIвсыз асквш адиктант агIвра апхьагIвчва, арыпхьагIвчва, акыт абзазагIвчва алан. Адиктант гIвхъвыкIта йшапI, хъвипхьадза 15 азцIгIаракIла йалахпI. ХIызту асквш агеография диктант азцIгIараква рыцIа ймайрапI, агIвычIвгIвыс логика хъвыцща гIайрысабапырныс даргвышхвитI. Асквш 2018, ноябрь а 14 Псыжв йапхъахауа Гимназия апны йызкьазууыз география диктант акIвшатI. Дасу ауи шигIвыз ноябрь а 30 амщтахь йдырхъвыххырныс рылшуштI.