ЕНЪУЬВШИЛЕРДИ ОЬРМЕТЛЕВ

Туьнегуьнлерде ИконХалк авылынынъ ортак билимлендируьв мектебинде эстеликли амаллама озды. Ол Турциядынъ Анталья каласында озган Ногай футбол лигасынынъ чемпионы болып кайткан «Ш аьбден» эм ОНФ-тынъ «Уличный красава» проекти бойынша Сочи каласы нда алты мынъга ювык командалардынъ ишинде сыйлы экинш и орынды алган «Тохтамыш» командаларын оьрметлевге багысланды. Амалламада КЧР спорт эм ден карувлык министрининъ орынбасары Мурат Агиров, Ногай муниципал район администрациясынынъ басшысынынъ борышларын заманлыша толтырувшы Мурат Хапиштов, орынбасары Виктор Унаджев, Ногай муниципал районынынъ басшысы - Советтинъ председатели Рустам Кукаев, ОНФ-тынъ Карашай-Шеркеш Республикасы бойынша боьлигининъ яс-явка ислерин йорыкластырувшы Ася Хубиева, Икон-Халк авыл администрациясынынъ басшысы Камиль Аюбов, авыл Советининъ депутаты Хайырбек Эмзеев, мектептинъ басшысы Фатима Унаджева, билимлендируьв отанынынъ окытувшылары, спортшылар катнастылар. Спорт ам аллам асы н авыл мектебининъ окувшылары «Россия» флешмобтан, сонъ ятлав окув ман аштылар. Тоьгеректи бийлеп, Россиядынъ гимни занъырады. Ногай муниципал район администрациясынынъ басшысынынъ борышларын заманлыша толтырувшы Мурат Хапиштов командаларды тапкан етимислери мен кутлады. - Куьнинъиз яхшы болсын, сыйлы ердеслер эм конаклар! Буьгуьн Ногай районымыз, сонынъ санында энъ алды ман Икон-Халк авылы уьшин, куванышлы куьн деп санайман. Неге десенъ биз ногай халкымыздынъ атын халклар ара эм савлайроссиялык оьлшемлеринде йогары сый ман айттырган Икон-Халк авылынынъ «Шаьбден» эм «Тохтамыш» командаларын оьрметлемеге йыйылганмыз. «Шаьбден» командасынынъ аты савлай Россияда, аьле онынъ тысында да данъклы болганы акында оьктемлик пен айтаман. Мен оларды дуныя ногайлары арасында озган НФЛ-дынъ чемпионы болувы ман алгыслайман. Тарихтинъ бетлериннен караганда, «Шаьбден» командасы баьленше аркалар ды авыстырып келеятырган спортклубы болады. Авылда сосындай ийги аьдетлерди алдыга алып баратаган команда сакланганына карап, суьйинесинъ. Икон-Халк авылынынъ тагы да бир командасы ол яс несиллер ойнайтаган «Тохтамыш» болады. Ол янъыларда Сочи каласында ОНФ-тынъ «Уличный красава» проекти бойынша озган Савлайроссиялык сынасларда сыйлы экинши орынга шыккан. Мен ясларды да сосы етимислери мен кутлайман. Келеекте тагы да коьп енъуьвлер мен кувандырып барганынъызды сагынаман, - деди Мурат Азаматович эм футболшыларды Сый грамоталар ман савгалады. Спортшыларга каратылган сагынувларын Ногай муниципал районынынъ басшысы - Советтинъ председатели Рустам Кукаев айтты эм спортшыларга Сый грамоталарды берди. - Абырайлы ердеслер эм конаклар! Мен ногайымыздынъ атын данъклаган эки командады да тапкан етимислери мен кутлайман. Сиз оьсеятырган яс-явкага яркын коьрим боласынъыз. Спорт майданларында тагы да йогары етимислерди сагынаман, - деп беркитти Рустам Эдуардович эм савгалавга киристи. Респу бликам ыздынъ спорт эм ден карувлык министрининъ орынбасары Мурат Агиров командаларды сосы табынышлары ман алгыслай келип, оларга Сый грамоталарды берди. - Республикамыздынъ атын савлай Россияда эм онынъ тысындагы кыралларда да айтты ратаган командалар бар экенине бек суьйинемен. Мен Ногай муниципал районына тек мундай яхшылыкларда спортшыларды оьрметлемеге келетаганым бек кувандырады. Республикамыздынъ савлыклы келеектегиси уьшин оьз заманлары ман санаспай куьш салатаган тренерлерге муьсиревди билдиремен, - деп белгиледи Мурат Идрисович. Йыйыннынъ барысында спортшыларга каратылган сагынувларын ОНФ-тынъ куллыкшысы Ася Хубиева айтты. - Ортакроссиялык Халк Фронты «Уличный красава» деген орам футболы бойынша Савлайроссиялык турнирин озгарган. Онда катнасып, сыйлы экинши орынга тийисли болган Икон-Халк авылынынъ «Тохтамыш» командасын мен тапкан етимиси мен ак юректен кутлайман эм футболшыларга доьрт айдынъ бойында ясыл майданда озган ойынларда оьз болымлыкларын йигерли коьрсеткенлери уьшин разылыгымды билдиремен, - деди ол. Спортшыларды бу етимислери мен «Ферзь» шатраш клубынынъ тренери Джанибек Карасов кутлады. - Сыйлы ф утболш ылар! Мен сизинъ етимислеринъиз акында эситип, бек кувандым. Ол тек ИконХалк авылы уьшин тувыл, савлай Ногай район! мыз уьшин уьйкен оьктемлик. Мен оьзим де коьп йылларды спорт пан каьрлегенмен. Соннан себепли сизге суьйген спорт туьрлинъизде алдыда тек йогары уьстинликлерди йорайман, - деди Джанибек Хусинович эм Икон-Халк авылынынъ ортак билимлендируьв мектебининъ басшысы Фатима Унаджевады савгалады. Футбол дуныяда энъ де кенъ яйылган спорт туьрлиси болады. Футболды уьйкен де, кишкей де ойнайды. «Шаьбден» командасы республикамыздынъ Кубогынынъ бир неше кере енъуьвшиси болган. Оннан баска «Ленин йолы», «Ленинское знамя» газеталарынынъ кубокларын алган, КЧАО-дынъ баьленше турнирлерин уткан, Ставрополь крайынынъ баргышысы болган, СССР-дынъ ветеранлар йыйылма командасынынъ дослык сынасларынынъ енъуьвшиси болган. Туьрли йылларда «Шаьбден» ком андасы н Солтан-Мурат Найманов, Мурат Баисов, Анзор Кубеков, Али Кабардаев, Мухамед Джемакулов, Мунир Кубеков, Тахир Кикичев, Курманбий Найманов басшылаганлар. Буьгуьнлерде Антальяда чемпион болган «Шаьбден» командасын Камиль Аюбов