Къарачай-Черкесияны 10 муниципал районунда 284 кёб этажлы фатар юйледе электроэнергияны бютеулей эсеблеген приборла салыннгандыла. Бу иш 2009-чу джылны сентябрь айында чыкъгъан 261-чи номерли федерал закон бла байламлыды. Анда электроэнергияны аяулу джюрютюу бла аны хайырын ёсдюрюуню юсюнден айтылады. Бу джумуш бла Шимал Кавказны МРСК-ны Къарачай-Черкес филиалы кюрешеди. Бюгюнлюкде энтда 27 кёб этажлы юйде быллай ишле бардырыла турадыла.
Аны бла бирге энтда 99 кёб этажлы фатар юйде аллай приборланы салыр иннет бла кесаматланы джарашдырыу барады.
Уруп, Зеленчук, Адыге-Хабль, Къарачай РЭС-леде бу джумушха тыйыншлы эс бёледиле. Алай болса да Джёгетей Аягъы, Къобан, Хабез, Гитче Къарачай районлада 72 фатар юйде бу иш бир кесек сериуюн баргъанын чертерге тыйыншлыды.
Бу иш заманны излемине джууаб этгенин толу ангылаб, район эмда эл башчыла бу затха эслерин толу иерге керекдиле. Электроэнергияны аяулу хайырландырыр ючюн, аллай приборла салыныргъа кереклисин унутмазгъа тыйыншлыды.
Комментарии