Къарачай-Черкесияда билим бериуню къуллукъчуларыны уллу кенгешлери болду. Анда: «Аттестацияны кърал эсеблери: ёсюмню баш эсеблери эмда джоллары» деген теманы сюздюле. Аны ишине Рособрнадзорну башчысыны заместители Анзор Музаев, КъЧР-ни Правительствосуну Председателини заместители Мурат Озов, КъЧР-ни окъуу министри Инна Кравченко, «Просвещение» басманы баш редактору Ольга Котляр, ШККъГТА-ны ректору Къочхарланы Руслан, республиканы районлары бла шахаларыны окъуу бёлюмлерини башчылары, ЕГЭ алыучу пунктланы тамадалары, орта билим берген школланы директорлары къошулдула. Анзор Музаев озгъан джылда ЕГЭ-ни эсеблеринден хапар айтхан бла бирге келир джыл аны къалай ётдюрюрге тыйыншлысындан кёлюне келгенни да билдирди. - Арт эки джылда КъЧР-де, ШКФО-да, бютеу Россияда да ЕГЭ-ни бардыргъан кёзюуде сабийлени билимлерине тюз эмда болушлусуча багъа бериу эсленнгенин айтыргъа керекди. Ол бек ашхы атламды, - деди ол. - Аны бла бирге ШКФО-да ортача предметледен балл Россиядан эсе тёбенди. Мындан ары да ЕГЭ бериуде, тюзлюк бла ачыкълыкъ болур ючюн, кёб тюрлю джангы амалланы сингдириуню къайгъысы этилликди. Къытайда, Тюркде, Швейцарияда, Къыбыла Кореяда бу зат бла кюрешген устала Россияда ЕГЭ бериу иги къуралгъанын чертгендиле. Бир къауум къралла уа бизден сынам алыргъа хазырлыкъларын танытхандыла. - ЕГЭ-ни къачан къурутурукъдула? - деген соруу алкъын тохтамагъанды, - деди Анзор Музаев. - Ол къурутуллукъ тюлдю, ёзге аны тюрлендириуню, хайырлыракъ этиуню джолу тохтарыкъ тюлдю. Источник: riakchr.ru Предыдущая новость 817 просмотров Следующая новость Читайте также 25 СОРУУНУ СЮЗГЕНДИЛЕ 07.06.2019 246 Осуйлукъ совет къуралгъанды 26.10.2015 260 Получайте свежие новости на электронную почту Подписаться Комментарии Написать
Комментарии