Актуально В КЧР определили лучшего учителя родного языка и литературы Актуально Глава КЧР Рашид Темрезов вручил ключи от 19 новых пассажирских автобусов Актуально «Россети Северный Кавказ» на 7,7 % улучшили платежную дисциплину потребителей электроэнергии в КЧР Актуально В ФСБ России по КЧР рассказали как распознать телефонных злоумышленников  СКФО Новый логотип курорта Эльбрус в КБР представили в студии Артемия Лебедева

ДЗЮДО МАН КАНЫГЫСЛЫ КАЬРЛЕЙДИЛЕР

03.11.2020 170
ДЗЮДО МАН КАНЫГЫСЛЫ КАЬРЛЕЙДИЛЕР
Дзюдо - ол япон аьскер ш и л и к уст алы гы , шынты философия, шапкынлыксыз куьресуьв. Спорттынъ бу туьрлиси балаларды да, олардынъ ата-аналарын да кызыксындырады. Дзюдо баладынъ ден савлыгын, касиетин беркитеди эм енъуьвге ымтылысын уянтады. Боьтен де, ол киш кей балаларга келискен спорт туьрлиси болады. Дзюдо Карашай-Ш еркеш Республикасында кенъ яйылган спорт. Быйылдан баслап дзюдо ман Хабез муниципал районынынъ Кызыл-Юрт авылында да каьрлейдилер. Уьйретуьвлер ерли мектептинъ спортзалында озадылар. Бу ийги истинъ баславшысы авылдынъ яшавшысы, дзюдо эм самбо бойынша спорт устасы Магомет Назирович Маметханов болады. Магомет 1996 йылдынъ 25 январинде Кызыл-Юрт авылында тувган. Сонъ аьел Черкесск каласына коьшкен. Баладынъ ата-анасы оны кишкейлей спорт кружогына бергенлер. Назир эм Мира улларынынъ спортшы болганын коьргилери келетаган эдилер. Магомет алты ясында спорттынъ бир неше туьрлиси мен: енъил атлетика ман эм эркин куьрес пен каьрлеген. Он бир ясыннан алып дзюдо ман эм самбо ман каьр шеккен. Сонъ олардынъ аьели тувган авылына коьшкен. Магомет болса суьйген спорты ман каьрлемеге Черкесск каласына барып турган. Каладынъ 2 номерли мектебининъ 11 классын кутылган сонъ, яс спортшы Карачаевск каласындагы У.Алиев атлы оькиметлик университетине окувга туьскен. Йогары окув отанын етимисли кутылып, 2017 йылда ол Черкессктинъ 17 номерли гимназиясына ден карувлык культурадан окытувшы болып куллыкка орынласкан. Онда бир кесек заман ислеген сонъ, куллыгыннан кеткен эм яне дзюдо ман каьрлевин бардырган. Магомет Савлайроссиялык сынаслардынъ коьп кере баргышысы, дзюдо бойынша Россиядынъ йыйылма командасынынъ санында да болган. Ол оьзи келеекте спортшыларды аьзирлемеге мырат этетаган эди. Тренер болганлай, энъ алды ман тувган Кызыл-Юрт авылында оьзи каьрлейтаган спорт туьрлиси бойынша секция ашкан. - Мен Черкесск каласындагы дзюдо бойынша «Эльбрусоид» спорт клубынынъ эм «Олимпик» дзюдо эм самбо спортшколасынынъ тербияланувшысыман. Меним тренерлерим Азнаур Хамзатович Урусов, Алан Муссаевич Абайханов, Алибек Аликович Башкаев болганлар. «КЧР дзюдо Федерациясы» лести, - деп баслады соьзин Магомет. - Спорт аьдемнинъ тек ден карувын беркитип калмай, балады тербиялавга уьйкен себеп этеди. Бизим авылда тек эркин куьрес бойынша секция бар. Бос заманларында балалар уьйлеринде оьз гаджетлерине коьмилип турмасынлар деп, мен дзюдо бойынша да секциядынъ болганын, балалар спортзалга келип, спорт пан каьрлегенлерин суьйип, бу исти басладым. Онынъ ашылувын балалар уьйкен кишкейи бес ясында, энъ уьйкени - он бесте. Залды балалар юмада бес куьн йоклайдылар. Уьйретуьвлеримиз эки саьаттинъ бойында озадылар. Балалар секцияга суьйип келедилер. Балалардынъ ата-аналары ман дайым да байланысып тураман. Олар оьзлери де келип, саьбийлерининъ спорт пан каьрлевлерин коьзлери мен коьредилер. Балалар мектепте окувларын ийги бардырсынлар деп, спорт пан каьрлевдинъ аралерин сыйламага кереклерин эске саламан. Эгер биз спортзалда каьрлейтаган болсак, бир аьелдей болмага керекпиз. Спорттынъ бас мырады - ол дослык. Бала спорт бийиклевлерине етпесе де, дзюдо келеекте онынъ ден карувлык оьрленуьвине себеп этеек. Дзюдо кишкей балаларга келисли болган «юмсак» спорт туьрлиси. Балады дзюдога 7-8 ясларында бередилер. Сол заманда олар спорт туьрлисининъ маьнесин анълап баслайдылар, - деп боьлисти Магомет Маметханов. Сегиз йыл артта мектептинъ администрациясы эркин куьрес бойынша тренери Мурат Джемакуловка спорттынъ сосы туьрлисине балаларды уьйретуьв уьшин спортзал берген. Соьлеги заманда эки тренер де - Мурат та, Магомет те онда эркин куьрес эм дзюдо бойынша уьйретуьвлерди етимисли озгарадылар. Спорт комплексине авылдынъ яс-явкасы оьз куьшлери мен ремонт этпеге ярдамласадылар. Эркин куьрес бойынша тренер Мурат Джемакулов оьз тербияланувшыларын алып ремонттан сонъ онда коьшеек. Магомет Маметханов мектеп спортзалында дзюдо бойынша каьрлеп калаяк. Мунда баьри амаллар да туьзилгенлер. Айтпага, зал да, тренерге боьлме де бар. Биз Магомед Назировичке алдыдагы аьрекетинде тек йогары уьстинликлерди, тербияланувшыларына тек бийиклевлерди, енъуьвлерди сагынамыз! М. МАТАКАЕВА. ДЗЮДО МАН КАНЫГЫСЛЫ КАЬРЛЕЙДИЛЕР регионлык ямагатшылык организациясынынъ толтырувшы директоры Аслан Борисович Бостанов бизге аьр яклы ярдамласып туратаган эди. Аслан Борисович мага тувган еримде дзюдо секциясын ашпага да демеваваслык пан саклаганлар. Секция ашылганлы бир ай болады. Буьгуьнлерде менде отыз бала каьрлейди. Олардынъ алтавы кызлар, калганлары яслар. Олар туьрли ясларындагы балалар. Энъ сында тербиялав куллыгын да юргистемен. Насихатлар беремен, энъ алды ман окув, оннан сонъ спортка эс этпеге керегин айтып тураман. Сондай болып, балаларга тек спортзалга келгенде тувыл, яшавда да бир-бир
170 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный