Джангы джорукъланы себеби бла джоллада светофорла джангыртыллыкъдыла. Джаяу адам автомобиль джолну ётген джерде бусагъатдагъы «зебраны» орнуна аллай сызланы «диагональ» халда саллыкъдыла. Джолну ётер ючюн, светофорну джашил джанарын асыры кёб сакълаб, заманларын бошуна ашырадыла деген оюм бла тюрлендириледи бу джорукъ. Машинала сюелген джерде уа (парковкада), алларын уллу джолгъа буруб, ёлка маталлы сюелирге керек боллукъдула. Бусагъатда хар машина сюелген джер сыз бла белгилениб эсе, энди ол сызланы къоратырыкъдыла, бир джангыз сыз бла белгилерикдиле. Джаяу адам машина джолну ётген заманда (керек болгъаны болса) сюелирге деб белгиленнген джерге да, «островок безопасности» дерикдиле. Велосипедле бла джюрюрге сюйгенле да унутулмагъандыла. Аланы да пассажир джюрютген транспортну джолу бла «полоса бла» барыргъа эркинликлери боллукъду. Светофорну да джангыртырыкъдыла, аны юсюне энтда бир къызыл джаннган диод лампа къошарыкъдыла. Ол а, автомашинаны шофёру ары-бери бурулургъа боллугъу бла къаллыгъын узакъдан огъуна кёрюрча деб этилинеди. Источник: riakchr.ru Предыдущая новость 705 просмотров Следующая новость Читайте также Шимал Кавказ федерал округ 05.12.2018 393 БОЛУМ ИГИ БОЛУБ БАРАДЫ 05.04.2019 276 Получайте свежие новости на электронную почту Подписаться Комментарии Написать
Комментарии