СКФО В Чечне​ ​ произошло землетрясение СКФО В Ингушетии определился победитель​ ​ конкурса «Народный участковый» Актуально Делегация из Карачаево-Черкесии принимает участие во Всероссийском форуме организаторов отдыха и оздоровления детей «Большие смыслы 2021» Актуально Высокая музыка поднялась на Эльбрус Актуально Рашид Темрезов принял участие в заседании Госсовета по транспортной стратегии России до 2030 года, которое провел Владимир Путин

Джарыкълыкъ юй ачылгъанды

16.08.2019 176
Джарыкълыкъ юй ачылгъанды

Джёгетей Аягъы районну Важное элинде джангы джарыкълыкъ юй ачылды. 
Аны ачылыууна Къарачай-Черкес Республиканы Башчысы Темрезланы Рашид да къошулгъанды. Къууанчха КъЧР-ни Правительствосуну келечилери, Халкъ Джыйылыууну (Парламентини) депутатлары, Джёгетей Аягъы районну джамагъаты да келген эдиле.


Джыйылгъанланы джангы джарыкълыкъ юй ачылгъаны бла алгъышлай, Темрезланы Рашид Эресей Федерацияны Президенти Владимир Путин бла РФ-ны Правительствосу эллени айнытыугъа уллу эс бёлгенлерин айтды. 
«Элледе джангы джолланы ишлеуге, коммунал мадарланы джангыртыугъа, джангы, бюгюннгю излемлеге кёре, джарашдырылгъан ФАП-ла, социал объектле, джарыкълыкъ юйле ишлеуге уллу эс бёлюнеди. Озгъан эки джылны ичинде Къарачай-Черкес Республикада 20-дан артыкъ джарыкълыкъ юй ишленнгенди. Ол иш бюгюнлюкде да джетишимли бардырылады. Элледе джарыкълыкъ юйле атылыб, аланы къурулушларына къаралмагъанлы талай джыл болады. Ол болумну тюрлендирир джанындан ишлейбиз. Айхай да, этген ишибизни хайыры артыкъ да бек сабийлеге джетсе деген нюзюр бла кюрешебиз. Хар адамны джашауунда маданият, джамагъат ишле уллу орун аладыла, аны ёсюмюне танг юлюш къошадыла. Аны себебли хар элни кесини маданият аралыгъы болургъа керекди. Бу джарыкълыкъ юйде къуру джаш тёлю тюл, уллайгъан къауум да джыйыла, эрикгенлерин кетере, джарыкълыкъ ишле бардыра турлукъларына ышанама. Хар кюнде джангы джарыкъ юйюгюз къууанчдан толгъанлай турсун, анда къуру да той-оюн, джарыкълыкъ ишле бардырылсынла», - деди Темрезланы Рашид. 
Къарачай-Черкес Республиканы Башчысыны буйругъу бла джангы джарыкълыкъ юйню библиотекасына талай китаб да берилди. 
Элчилени атларындан Джазаланы Надежда джангы мекям ючюн Темрезланы Рашидге джюрек разылыгъын билдирди. 
Важное элде ишленнген джарыкълыкъ юй бюгюннгю излемлеге кёре джарашдырылгъанды. Къыйналыб джюрюген неда чыртда джюрюмеген адамлагъа таблыкъла къуралгъандыла, тюрлю-тюрлю джарыкълыкъ ишлени бардырырча хар неси да толу джарашханды. Джарыкълыкъ юйню залына 250 адам сыйыныб олтурурчады. Аны тышында компьютерле, Интернет байламлылыкъ бла баджарылгъан библиотекасы да барды, тепсеулеге юретирге джараулу, шахмат-шашка ойнаргъа, тюрлю-тюрлю кружокланы бардырыргъа бёлюмлери да джарашыбдыла. 
Къарачай-Черкес Республиканы Башчысы Темрезланы Рашид джарыкълыкъ юйню ичине къараб, халкъ чыгъармачылыкъны ишлери бла шагъырей болгъанды. 3-чю классны сохтасы Дотдайланы Аминат а Темрезланы Рашидге кеси салгъан «Горный пейзаж» деген суратын саугъагъа бергенди.

 
176 просмотров


Комментарии

Написать
Комментарии >
Умар Текеев, начальник службы радиовещания ГТРК Карачаево-Черкесия, заместитель председателя регионального отделения общественной организации "Союз журналистов России"
Карамурзин Рамазан Леонович председатель Ассоциациии крестьянско-фермерских хозяйств Карачаевского района, Глава КФХ



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный