Къарачай-Черкес Республиканы Башчысы Темрезланы Рашид Москвада Россия Федерацияны Шимал Кавказны ишлерини юслеринден министрини борчларын толтургъан Одес Байсултанов бла тюбешгенди. Анда сёз Шимал Кавказ федерал округну 2025-чи джылгъа дери ёсюмю бла байламлы кърал программаны регионал подпрограммасын толтурууну хакъындан баргъанды. Аны джашауда орунлу этер муратда республикада юч инвестицион проект хазырланнганды: сабий садла ишлеу, агропарк къурау эмда Доммайда къонакъ юйле бла чынды джолланы къурулушлары.
Аны бла бирге тюбешиуню кёзюуюнде Доммайны комплекс халда ёсюмю бла байламлы ишлеге къаралгъанды. Республиканы Башчысы ушакъны кёзюуюнде Мусса Ачитара таугъа суу бургъыла чыгъарыллыкъларын эмда алайда инженер инфраструктурагъа эс бёлюннюгюн да чертгенди.
Бу зат Доммайны иги айнытыргъа, туристлеге джангы таблыкъла къураргъа мадар берликди.
Комментарии