КъЧР-ни Башчысы Темрезланы Рашид салгъан борчну толтура, Къарачай муниципал районда «Теберда-Домбай» деген газ быргъыны ишлеу къызыудады. Алайды да, Россияны белгили курортларыны бири Доммайгъа табигъат газ тартыллыкъды. Бу газ быргъыны бютеулей да узунлугъу 32,6 километрге джууукъ боллукъду.Бу джумушну бир бёлеги 2014-чю джыл тамамланнганды. Теберди шахаргъа 8,5 километр узунлугъу болгъан газ быргъы тартылгъанды, къоруулау дамбала ишленнгендиле, сууну юсю бла кёпюрле этилгендиле. Энди бу ишни экинчи бёлеги башланнганды: Теберди шахардан Доммайгъа газ быргъыны ётдюрлюкдюле. Доммайгъа кирген джерде ГРП-ны тамалы салыннганды. Темрез улу айтханнга кёре, Доммайны ёсюм джолунда бу ишни магъанасы бек уллуду – 2016-чы джыл бери газ тартылыб бошалыргъакерекди. Аны бла бирге Карачаевск шахардан Тебердиге дери газ баргъыны ётдюрюр мурат барды.Бу джаны бла биринчи атламла да этилгендиле – Карачаевскеден Тёбен Тебердиге дери 22,8 километр джерге газ тартылгъанды. Келир джыл Тёбен Тебердиден Теберди шахаргъа дери газ ётерикди.Источник: riakchr.ru
Комментарии