Керуьв-Кавказ федераллык округында Россия Федерациясынынъ
ваькил элш иси А л е ксандр М ат овников Караш ай-Ш еркеш еринде
«Домбай» турист -рекреациялы к комплексин
оьрлендируьв соравы бойынша йыйылыс озгарды, онынъ барысында курорттынъ оьрленуьвининъ бас йоьнелислери
белгилендилер.
С КФ О -да РФ П резидентининъ ваькил элшиси
Александр Матовниковтынъ
басшылыгы ман озган йыйылыста КЧР Халк Йыйынынынъ (Парламентининъ)
Председатели Александр
Иванов, КЧР Басшысынынъ
эм Правительствосынынъ
Администрациясынынъ Аппаратынынъ етекшиси Мурат
Озов, ваькил элшиликтинъ
аппаратынынъ элшилери,
республикадынъ Правительствосынынъ агзалары,
Карачаевок кала округынынъ
эм Домбай поселогынынъ
басшылыгы, мырсат аьжетсизлевши компаниялардынъ
элшилери катнастылар.
Йыйылыстынъ катнасувшыларын СКФО-да РФ
Президентининъ ваькил элшиси Александр Матовников
хошлады.
- Буьгуьнги куьнде Керуьв Кавказдынъ баскалыгы
сол, мунда туристликагымы
айлак оьседи, эм ол затты
биз баьримиз де аьруьв анълаймыз. Ол затты биз Архызда да, Домбайда да сездик.
Соннан себеп, биз бир ерде
турмага керектувылмыз, биз
алдыга бармага керекпиз.
Соннан себеп, бизге сервис™ оьстирмеге, инфратуьзилисти оьрлендирмеге
эм тал оннан сонъ соьлеги
замангы курорт болаяк,-деди, йыйылысты аша келип,
Александр Матовников.
Домбай поселогынынъ
социал-экономикалык оьрленуьви акында Карачаевок
кала округынынъ мэри Алик
Динаев билдирди. Онынъ
белгилевинше, республикамыздынъ курортларына
туристлердинъ агымы оьседи. Суьйтип, 2018 йылдынъ
тамамлары бойынша регионды 1 миллион 350 мынъ
турист йоклаган, а янъы
йыллык байрамларда КЧР
курортларына 125 мынъ
аьдем келген, олардынъ
саныннан 60 мынъ аьдем
Домбайды йоклаган.
КЧР туризм, курортлар
эм яс-явка политикасы бойынша министри Анзор Эркенов йыйылыстынъ катнасувшыларын «Домбай»
курортынынъ оьрленуьв
амаллары эм мунда яшавга эндирилетаган инвестициялык проектлер акында
айтты.
- Домбайга туристлик
агымынынъ оьсуьви «Россия Федерациясында ишки эм шыгувлы туризмди
оьрлендируьв федераллык
туспарлы программадынъ
амалламалар калы бы нда «Кавминводы эко-курорт» турист-рекреациялык
кластерин туьзуьв инвестициялык проектин яшавга
эндируьв мен байланыслы.
2018 йылда «Русская Поляна» янъы субкластерин
туьзуьв бойынша амалламалардынъ яшавга эндирилуьви бажарылган, - деди
оьзининъ соьзинде Анзор
Эркенов.
Оннан баска курортта
«Домбай» курортын кенъейтуьв эм ийгилендируьв
бойынша инвестициялык
проект яшавга эндириледи,
оны ман канат йолынынъ
эм конагуьйдинъ курылысы
карарланады. Оны яшавга
эндируьвдинъ болжалы 2019
йылга планланган.
Йыйылыста Тебердадынъ оькиметлик табиат
биосфералык заповеднигин
Миллет Паркына туьрлендируьв мен байланыслы
соравлар тергелдилер. Йыйылыстынъ катнасувшылары инженерлик коммуникациялардынъ соьлеги
аьли эм келеекке кенъейтилуьви акында соьйледилер.
Курортта кавыфсызлыкты
аьжетсизлев соравлары да
коьтерилдилер.
Йыйылыстынъ тамамларын сога келип, А.Матовников Домбай курортын
оьрлендируьвдинъ концептуаллы планын аьзирлемеге
кереги акында айтты.
Получайте свежие новости на электронную почту
Комментарии