Урыс тхакIуэ, усакIуэ, Урысейм щыщу япэ дыдэ литературэмкIэ Нобел и тыгъэр къызыхуагъэфэща Бу-нин Иван къызэралъхурэ мы гъэм илъэси 145-рэ зэрырикъум и щIыхькIэ, Урысей псор къызэщIэзыу-быдэ зэпеуэ зэхашащ. «Обетованному отечес-кому краю…» фIэщыгъэцIэр зезыхьэ Буниным и цIэкIэ къызэрагъэпэща зэпеуэр мы гъэм гъатхэпэм (мартым) и 1-м щегъэжьауэ фокIадэм (сентябрым) и 1-м нэгъунэ екIуэкIащ. Урысейм хыхьэ хэгъуэгуу хъуам къабгъэдэкIа литераторхэм, усакIуэхэм я зэхьэзэхуэм хэтыну лъэкIыныгъэ яIащ. Зэпеуэм кърагъэхьын хуейт усакIуэм и IэдакъэщIэкI зыбжанэ. УсакIуэхэм я зэпеуэр екIуэкIащ УФ-м щэнхабзэмкIэ и Министерствэмрэ Урысейм и тхакIуэ организацитIымрэ: УФ-м и тхакIуэхэм я Союзымрэ урысей тхакIуэхэм я Союзымрэ я нэIэм щIэту. Зэпеуэм ипкъ иту лэжьа къызэгъэпэщакIуэ комитетым творческэ лэжьыгъэ 30 къыхахащ, ныбжь зэхуэмыдэхэм ит литераторхэм къабгъэдэкIауэ. Лэжьыгъэхэр къикIат: Воронеж, Орел, Липецк, Пермь, Самарэ, Новокузнецк, Саранск, Къэзахъстаным. ДызэрыщыгуфIыкIыну, ищхьэкIэ хъыбар зэрывэдгъэщIауэ, Къэрэшей-Черкесым щыщ усакIуи мы зэпеуэм хэтащ икIи и щIы-хьыр лъагэу къыхалъытащ. ФокIадэм (сентябрым) и 25-м Воронеж къалэм деж зэпеуэм и жюрим къыщипщытэжащ усакIуэхэм я зэхьэзэхуэм текIуэныгъэр къыщызыхьахэр. Тыгъэ щхьэ-хуэкIэ къыхагъэщащ уса-кIуитI: УФ-м и тхакIуэхэм я Союзым игъэбелджыла, Къэрэшей-Черкесым щыщ, "Черкес хэку" газетым и лэжьакIуэ усакIуэ Бемырзэ Зурабрэ Урысейм и тхакIуэхэм я Союзым къыхигъэща, Къэзахъстаным щыщ Григорьевэ Ольгэрэ. Мис апхуэдэу, ди лэжьэгъу, журналист IэпщIэлъапщIэ, усакIуэ Бемырзэ Мухьэдин и къуэ Зураб и IэдакъэщIэкI усэхэм уасэшхуэ щыхуащIащ Урысейпсо усакIуэ творческэ утыкум деж. Фигу къэдгъэкIыжынщи, мы гъэм Зураб иджыри зы творческэ литературэ зэпеуэм и цIэр къыщыхагъэщауэ щытащ. Бемырзэр хэтащ Пастернак Борис къызэралъхурэ илъэси 125-рэ зэрырикъум и щIыхькIэ ирагъэкIуэкIа зэпеуэм. ИкIи, ди лэжьэгъур усакIуэхэм я зэхьэзэхуэм и лауреат хъуащ, Урысейм щыщу усакIуи 10 къыхахам яхэхуэкIэрэ. Мы зэхьэзэхуитIым дежи къыхэгъэщыпхъэр зыщ: Бемырзэ Зураб и закъуэщ урысыбзэр зи анэбзэу щымыту мы зэпеуэхэм къыхагъэщар. Иджыри зы IуэхукIэ Зураб и цIэр къиIуапхъэщ. Мы гъэм Москва къалэм къыщыдэкIа «Новые писатели России» фIэщыгъэцIэр зиIэ, Урысейм ис тхакIуэ - усакIуэхэм я IэдакъэщIэкIхэр здызэхуэхьэса сборникым Бемырзэ Зураб и усыгъэхэри ихуащ. Ди гум къыбгъэдэкIыу дохъуэхъу, дыщогуфIыкI творческэ зэчиишхуэ зыбгъэдэлъ, пщIэ зыхуэтщI ди лэжьэгъум! Уи къалэмыр шэрыуэу, дяпэкIи творческэ ехъулIэныгъэ ущимыгъащlэкlэ, Зураб! Источник: riakchr.ru
Урыс тхакIуэ, усакIуэ, Урысейм щыщу япэ дыдэ литературэмкIэ Нобел и тыгъэр къызыхуагъэфэща Бу-нин Иван къызэралъхурэ мы гъэм илъэси 145-рэ зэрырикъум и щIыхькIэ, Урысей псор къызэщIэзыу-быдэ зэпеуэ зэхашащ. «Обетованному отечес-кому краю…» фIэщыгъэцIэр зезыхьэ Буниным и цIэкIэ къызэрагъэпэща зэпеуэр мы гъэм гъатхэпэм (мартым) и 1-м щегъэжьауэ фокIадэм (сентябрым) и 1-м нэгъунэ екIуэкIащ. Урысейм хыхьэ хэгъуэгуу хъуам къабгъэдэкIа литераторхэм, усакIуэхэм я зэхьэзэхуэм хэтыну лъэкIыныгъэ яIащ. Зэпеуэм кърагъэхьын хуейт усакIуэм и IэдакъэщIэкI зыбжанэ. УсакIуэхэм я зэпеуэр екIуэкIащ УФ-м щэнхабзэмкIэ и Министерствэмрэ Урысейм и тхакIуэ организацитIымрэ: УФ-м и тхакIуэхэм я Союзымрэ урысей тхакIуэхэм я Союзымрэ я нэIэм щIэту. Зэпеуэм ипкъ иту лэжьа къызэгъэпэщакIуэ комитетым творческэ лэжьыгъэ 30 къыхахащ, ныбжь зэхуэмыдэхэм ит литераторхэм къабгъэдэкIауэ. Лэжьыгъэхэр къикIат: Воронеж, Орел, Липецк, Пермь, Самарэ, Новокузнецк, Саранск, Къэзахъстаным. ДызэрыщыгуфIыкIыну, ищхьэкIэ хъыбар зэрывэдгъэщIауэ, Къэрэшей-Черкесым щыщ усакIуи мы зэпеуэм хэтащ икIи и щIы-хьыр лъагэу къыхалъытащ. ФокIадэм (сентябрым) и 25-м Воронеж къалэм деж зэпеуэм и жюрим къыщипщытэжащ усакIуэхэм я зэхьэзэхуэм текIуэныгъэр къыщызыхьахэр. Тыгъэ щхьэ-хуэкIэ къыхагъэщащ уса-кIуитI: УФ-м и тхакIуэхэм я Союзым игъэбелджыла, Къэрэшей-Черкесым щыщ, "Черкес хэку" газетым и лэжьакIуэ усакIуэ Бемырзэ Зурабрэ Урысейм и тхакIуэхэм я Союзым къыхигъэща, Къэзахъстаным щыщ Григорьевэ Ольгэрэ. Мис апхуэдэу, ди лэжьэгъу, журналист IэпщIэлъапщIэ, усакIуэ Бемырзэ Мухьэдин и къуэ Зураб и IэдакъэщIэкI усэхэм уасэшхуэ щыхуащIащ Урысейпсо усакIуэ творческэ утыкум деж. Фигу къэдгъэкIыжынщи, мы гъэм Зураб иджыри зы творческэ литературэ зэпеуэм и цIэр къыщыхагъэщауэ щытащ. Бемырзэр хэтащ Пастернак Борис къызэралъхурэ илъэси 125-рэ зэрырикъум и щIыхькIэ ирагъэкIуэкIа зэпеуэм. ИкIи, ди лэжьэгъур усакIуэхэм я зэхьэзэхуэм и лауреат хъуащ, Урысейм щыщу усакIуи 10 къыхахам яхэхуэкIэрэ. Мы зэхьэзэхуитIым дежи къыхэгъэщыпхъэр зыщ: Бемырзэ Зураб и закъуэщ урысыбзэр зи анэбзэу щымыту мы зэпеуэхэм къыхагъэщар. Иджыри зы IуэхукIэ Зураб и цIэр къиIуапхъэщ. Мы гъэм Москва къалэм къыщыдэкIа «Новые писатели России» фIэщыгъэцIэр зиIэ, Урысейм ис тхакIуэ - усакIуэхэм я IэдакъэщIэкIхэр здызэхуэхьэса сборникым Бемырзэ Зураб и усыгъэхэри ихуащ. Ди гум къыбгъэдэкIыу дохъуэхъу, дыщогуфIыкI творческэ зэчиишхуэ зыбгъэдэлъ, пщIэ зыхуэтщI ди лэжьэгъум! Уи къалэмыр шэрыуэу, дяпэкIи творческэ ехъулIэныгъэ ущимыгъащlэкlэ, Зураб! Источник: riakchr.ru
Получайте свежие новости на электронную почту
Комментарии