ДЕПУТАТЛАР КОНСТИТУЦИЯМ ТУЬЗЕТУЬВЛЕРДИ ДЕМЕВЛЕДИЛЕР

Бийсемби куьн Карашай-Шеркеш Республикасынынъ Халк Йыйынынынъ (Парламентининъ) депут ат лары Россия Федерациясынынъ Конституциясына туьрлендируьвлерди киргистуьв акында законды карастырув уьшин кезуьвсиз сессияга йыйылдылар. Сессияда Карашай-Шеркеш Республикасы нынъ Басшысы Рашид Темрезов, Правительстводынъ Председатели, КЧР-да бас федераллык инспекторы, кала эм район басшылары, право саклав органларынынъ элшилери катнастылар. Парламенттинъ Председатели Александр Иванов Россия Федерациясынынъ бас Законына туьрлендируьвлерди киргистпеге кереги оькиметтинъ басшысы Владимир Путин Федераллык Йыйынга аьр йыллык О й-хатында билдиргени акында эске туьсирди. Туьрлендируьвлерди киргистуьв бойынша тергевдинъ барысында Парламенттинъ политикалык партияларынынъ элшилери оьз ойларын билдирдилер. Александр Иванов ис досларына соьзин каратты. «Биз Россия Федерациясынынъ Конституциясына туьрлендируьвлерди киргистуьв акында тек оьз ойымызды билдирип калмаякпыз, олар кыралдынъ, балалардынъ яшавын йылларга эм онйыллыкларга алдыга белгилееклер. «Ямагатшылык властьтинъ уйгынлавынынъ эм аьрекетлевининъ айырым соравларын йорыкластырувын ийгилендируьв акында» Россия Федерациясынынъ Конституциясына туьрлендируьвлерди киргистуьв акында» Россия Федерациясынынъ Законынынъ проекти РФ Президенти Владимир Путиннинъ россиялык оькиметлигин беркитуьвге эм тебенли туьрленетаган аьллерде яшавшылардынъ яшав сапатын ийгилендируьвге каратылган» деп санайман», - деди КЧР Парламентининъ спикери Александр Иванов. Сонъ Бас законга туьзетуьвлерге оьз карасларын парламентарийлер ашык давыс беруьв мен белгиледилер. Россия Конституциясына туьрлендируьвлер давыслардынъ коьбиси мен макул этилип алындылар. Йыйылыстынъ ызында Парламенттинъ Председатели Конституция бойынша озаяк референдумнынъ тарихлик маьнесин белгиледи. Муннан алдын законопроект РФ Федераллык Йыйынынынъ тоьменги палатасы ман уьшинши, сонъгы окылувында алынган эм Федерация Совети мен демевленген. Россия Федерациясынынъ субъектлерининъ уьштен эки кесегининъ демевин алган сонъ маглуматты Россия Федерациясынынъ Президентине кол басувга йиберееклер эм Конституциялык суд пан Законнынъ токтаслары келисилген сонъ ол 22 апрельде озаяк ортакроссиялык давыс беруьвге шыгарылаяк. Белгилемеге тийисли, алдын Законнынъ проекти кенъ ямагатшылык тергевге шыгарылган. Депутатлар, сенаторлар эм ямагатшылык организацияларынынъ етекшилери Карашай-Шеркеш ерининъ гражданлык ямагатшылыгынынъ туьрли институтлары арасында анълатув куллыкларын юргисткенлер. А туьскен ойлар Россиядынъ Оькиметлик Думасына йиберилгенлер.