«Росгвардия» Къарча-Черкес Республикала а-УнашвахъцІарта знапІыцІу йзаместитель Цуров Марати
ахъвшараква ръачІвагIагІвчви Черкесск «АдзыгІвбжьа
ЙачІва» парк апны йадыргалыз анаркотикква ргІарысабапра йапшІагылуа амыз агІахътІра йалан. Ауи
«Общество без наркотиков» республика реабилитация Квта аъачІвагІагІвчви Черкесск город амэрия анхагІвчви йхабзамкІва анаркотикква рпшцІыщтра йгьи
ргІарысабапра рабакІра а-Мш йадахІвуата йадыргалтІ йгьи агород апхьартаква рпны йаныргІалу апхын тшпсщара лагерьква йцауа апхьагІвчвагьи гІаланадыркІтІ.
Ареабилитация Квта аунашвачпагІв Страх Виктор
аркъажвра, атутын ахъра, анаркотикква ргІарысабапра зарарта йгІарылцІуа йауацІыхта даквгІашІастІ.
Ауи йшихІвазла, «Росгвардия» ашІыпІа хъвшара рацкІрала чкІвыныргІа рыхъазла йакІвдыршауа айчважвараква магІын ду рымапІ.
«АдзыгІвбжьа ЙачІва» тшпсщарта апны йакІвдыршаз ауыс йгІадгылыз тшырзынайырхауата Цуров
Марат йгІаликІгІатІ:
– ПІатІу зкву чкІвыныргІи ауат ран-рабачви! УахьчІва хІызлу азгІвадарахчара йазынарху амыз агІахътІра магІын ду амапІ. ХІхаквлагІвчва йанчкІвыну азаман
йгІашІарышвта мгІва тамам йантагылра, йызгІваду
бзазара гІалырхта аспорт йанапщылу агІатгара хІаракІква йырзынадзарныс алшараква рзыщтІапІ.
ЗымгІвагьи нашх лашара, мамыр, згІвадара швымазтІ.
ЙхабзамкІва анаркотикква ргІарысабапра гІашІакІрала амыз агIахътIра Къарча-Черкес аршІыйагІвчва шІаква рконцертла йалдыргахтІ.
Получайте свежие новости на электронную почту
Комментарии