12 декабрьде Карашай-Шеркеш Республикасынынъ Халк Йыйынынынъ (Парламентининъ)
5-нши кезуьвли сессиясы
озды. Депутатлар 22 соравды тергедилер.
Сессиядынъ озув куьни
кыралымыздынъ бас байрамларынынъ бириси - Россия Федерациясынынъ Конституциясынынъ куьни мен
рас келди. КЧР Парламентининъ спикери Александр
Иванов сессиядынъ баьри
катнасувшыларын байрам
ман кутлады эм тынышлыкты, келисуьвликти, эртенги
куьнге сенимликти, Россиядынъ шешекейленуьвине
багысланган туьзуьвшен
исте етимислерди сагынды.
Сонъ ол республикадынъ
ети яшавшысына коьп йыллык намыслы ислери эм
йогары кеспилик усталыклары уьшин регионнынъ
законшылык органынынъ
йогары савгасын - КЧР Халк
Йыйынынынъ (Парламентининъ) Сый грамоталарын
савгалады.
С авгаланганларды нъ
санында миллетимиздинъ
сыйлы элшиси, РФ юстиция
министерствосынынъ Карашай-Шеркеш Республикасы
бойынша Управлениесининъ
боьлик басшысы Уммагульсум Карасова бар эди. Ол,
Саратов юристлик академиясын етимисли кутылган
сонъ, 15 йылдынъ бойында
сайлаган кесписине алаллыгын коьрсетип ислейди,
ис дослары арасында сый
ман пайдаланады. «Аьдем
сайлаган кесписин суьйип
ислесе, ол рахатлык береди
эм етимиске аькетеди. Буьгуьн меним исиме йогары
белги берилгени уьшин бек
муьсиревлимен», - дейди
Уммагульсум Таировна.
Сессияда 2020 эм планлы 2021 эм 2022 йылларга
Карашай-Шеркеш Республикасынынъ бюджети акында
сорав бас орында болды.
Парламентарийлер уьшинши эм тамамлав окылувда
бюджетти алдылар. Онынъ
бас санлары тоьмендегинше туьзилгенлер. Келимлер
бойынша: 2020 йылга - 26
489 018 мынъ маьнет; 2021
йылга - 26 102 948, 3 мынъ
маьнет; 2022 йылга - 27
002 832, 1 мынъ маьнет.
Шыктажлар бойынша: 2020
йылга - 26 212 460, 5 мынъ
маьнет; 2021 йылга - 25 855
484,0 мынъ маьнет эм 2022
йылга - 26 783 018,9 мынъ
тармаклар бойынша шыктажлар 66 процент боладылар.
КЧР Б а сш ы сы н ы н ъ
тапшырувы ман оьксиз балаларга турак ерди сатып
алувга шыктажлардынъ саны 2 кереден артыкка оьстирилген эм 2020 йылда
77 миллион болаяк. Оннан
баска бюджетте биринши кере республикада шувылдыр
секер болдырувга планлы
шакка аьр йылга 25-ер миллион маьнет акша эм авыл
ерлерине окытувшыларды
тартув уьшин «Земский окытувшы» программа бойынша
биркерелик тоьлевлерге
акша салымлары карарланганлар. Сондай болып,
0 -3 ясларындагы балалар
уьшин мектепке дейимги учреждениелерди, ден-карувлык-савартув комплекслерди курувга акша салымлары
карарланганлар. Депутатлар
яшарлык маьнели дарманлардан керексинетаганларды канагатлавды айырым
коьз салувга алаяклар.
Йыйылыста болган энди де бир маьнели затты
белгилемеге болаяк. Депутатлар РФ орталык банкынынъ председатели Эльвира
Набиуллинага тилек салув акында карар алдылар.
Онынъ баславшысы аграрлык комитетининъ председатели Марат Хубиев болды. Онда авыл ерлерин-
, е яшайтаган яшавш i лар
уьшин ОСАГО коэффициентин янъыдан карастырув
акында айтылады. Мысалга
конъысы регионлар келтириледилер. Коэффициентти
тоьменлетуьв авыл ерлеринде яшайтаган транспорттынъ иелерине тоьлевлерин
йылына эки мынъга дейим
тоьменлетпеге амал береек.
Энди де бир сорав «Карачаевск каласынынъ тоьгерегинде ясыл орман-парк
белбав акында» болды. 40
гектарлык ясыл калкан (щит)
каладынъ экологиясын ийгилендируьвге каратылган.
Мунда агашлыклар, сувлар,
сувлардынъ ягалары, коьллер, бувамлар киредилер.
Келисли федераллык закон
ОНФ ман туьзилген эм 2017
йылда куьшине киргистилген. Маглумат пан келисте
муниципал туьзилислерининъ эм федераллык маьнели калалардынъ тоьгерегинде тереклерди кесуьв
тыйылады.
Сондай соравды Ногай
муниципал районы бойынша
да тергемеге депутатларга
тилегин Парламенттинъ
КПРФ фракциясынынъ депутаты Муратхан Михайлович
каратты.
Депутатлар уьш ярастырувшы тоьрешиди беркитуьв
уьшин давысларын бердилер. Сондай болып сессияда
республикалык законларга
туьрленислерди киргистетаган бир неше законнынъ
проектлери макулландылар.
Получайте свежие новости на электронную почту
Комментарии