Актуально В ФСБ России по КЧР рассказали как распознать телефонных злоумышленников  СКФО Новый логотип курорта Эльбрус в КБР представили в студии Артемия Лебедева СКФО В Северной Осетии прошла донорская акция Актуально В КЧР родители старшеклассников сдали ЕГЭ Общество Карачаево-Черкесия наращивает объемы производства тепличных овощей

Биринши кардынъ Байрамы

06.02.2015 918
Биринши кардынъ Байрамы
день снегаБыйылдынъ он етинши январинде Карашай-Шеркеш Республикасынынъ «Архыз» тав-лыжа курортында биринши кере Кардынъ савдуныялык куьнин (World Snow Day) белгиледилер. Сосы байрам амалламасына спорттынъ кыскы туьрлилерининъ халклар ара куьни деп те айтадылар. Тав лыжа тебуьвшилердинъ, сноубордшылардынъ, белсинли кыскы тыншаювды суьювшилердинъ сосы бас байрамы 2012 йылдан алып январь айынынъ сонъгы тыншаюв куьнлеринде Лыжа спортынынъ халклар ара федерациясынынъ (Fis) баславы ман озгарылады. Кардынъ куьниндей коьлемлик, яркын амалламаларды йогары оьлшемде уйгынлав эм озгарув Архызда ийги аьдет болып бараятыр. Ол спорттынъ корпоративлик амалламаларын озгарувдынъ майданына айланган. Соьз уьшин, «Черномортранснефть» компаниясы да былтыр халклар ара байрамга косылган. Онынъ калыбында тав эм шабув лыжалары, сноуборд бойынша кызыклы сынаслар болды-лар. Нефть шыгарувшылар спартакиадады Архызда аьр йыл сайын озгармага планлайдылар. Бизим тав курортымызда ол зат уьшин баьри амаллар да туьзилгенлер. Быйыл Кардынъ савдуныялык куьнин озгарув «Архыз» тавлыжа курортынынъ командасынынъ шынты кеспилик байрамына айланды. Айтып озайык, 2014-2015 йыллардынъ кыскы сезонында курортта Techno-alpin деген ерге кар тоьсевши итальян келистирмеси кулланувга берилген. Ол Архыз юртындагы баьри лыжа эм сноуборд трассала-рына кар тоьсемеге амал береди. Суьйтип, быйыл калын-лыгы 60 сантиметр болган искусстволы кар ортак майданы 250 мынъ квадратлы метр болган ерге тоьселген. Сол затты юзден артык топлар аьжетсизлейдилер. Оннан баска болып трассалар туьннинъ 23 саьатине дейим ярыкландырыладылар эм курорттынъ сервис службаларынынъ куллыкшылары сол заманга дейим аьрекетлейдилер. Кардынъ куьнин байрамшылавда эки мынънан артык конаклар ортакшылык эткенлер. Онынъ алдында Архызда 25 мынънан артык туристлер ял алып кеткенлер. Тенълестируьв уьшин, айтайык, 2014 йылда «Архыз» тавлыжа курортын тек 35 мынъ аьдем йоклаган эди. Быйыл десенъ, бизим сол ыспайлы юртымызга энъ азында юз мынънан артык турист келеек деп баланады. Источник: riakchr.ru
918 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный