Эресей Федерацияны Президентини 2018-чи джылны хычаман (май) айыны 7-ден «О национальных целях и стратегических задачах развития Российской Федерации на период до 2024 года» деген 204-чю Буйругъун толтурур мурат бла Къарачай-Черкес Республикада «Разработка и реализация программы системной поддержки и повышения качества жизни граждан старшего поколения «Старшее поколение» в рамках национального проекта «Демография» деген республикан проект ишлейди.
«Старшее поколение» проектни «Организация мероприятий по профессиональному обучению и дополнительному профессиональному образованию лиц в возрасте от 50 лет и старше, а также лиц предпенсионного возраста» деген бёлюмюнде салыннган борчлагъа кёре, 2020-чы джыл эм азы бла джыллары келген 148 адамгъа усталыкъ алыргъа болушлукъ этилликди.
Аланы окъутур ючюн 11730,8 минг сом джоюм этерге деб белгиленнгенди, аладан 11613,5 минги федерал бюджетден берилликди.
Джангы усталыкъгъа окъургъа неда биринчи усталыгъы бла байламлы билимин ёсдюрюрге ишсиз адамла бла тенгликде ишлеб тургъан къауум да эркинди.
Билимин ёсдюрюрге излеген адам ачыкъ халда ишлей эсе, ол ишлеген джер, окъуу организация бла кесамат джарашдырыб, аны окъуууна толу хакъ тёлейди.
Бир адамны окъуууна 53,4 минг сомдан кёб чыкъмазгъа керекди.
Пенсия алыргъа бир бёлек заманлары къалыб тургъан адамлагъа окъууларындан стипендия тёленникди. Аны ёлчеми бир айгъа белгиленнген эм аз иш хакъ чакълы бир боллукъду.
Аны кибик, «Демография» деген миллет проектни тамалында «Содействие занятости женщин – обеспечение дошкольного образования для детей в возрасте до трёх лет» деген республикан проект да ишлерикди. Аны мураты сабийлерине 3 джыл толгъунчу юйде ишлемей тургъан тиширыуланы билимлерин ёсдюрюргеди. 2020-чы джыл 125 тиширыуну окъуугъа ийер мурат барды.
Аланы окъууларына 7145,3 минг сом джоюм этилликди, аладан 7073,8 мингин федерал бюджетден тёлерикдиле.
Сабий туугъунчу ачыкъ халда уруннган тиширыуланы окъууларына, ала кеслерини усталыкъларын ёсдюрюрге излеселе, ачханы ишлеген организация тёлерикди.
Ортача окъуугъа юч ай кетерикди, саудан алыб айтханда уа 6 айдан кёб заманны бармазгъа керекди.
Кеслери джашагъан джерден тышында окъугъан адамлагъа джол эмда джашагъан хакълары тёленникди.
Комментарии