Бу кюнледе Къарачай-Черкес Республиканы Башчысы Темрезланы Рашид кърал регистрацияны, кадастрны эмда картографияны федерал къуллугъуну тамадасыны орунбасары Эдуард Петрухин эмда КъЧР-де Росреестрны тамадасы Орусланы Марат бла тюбешгенди.
Тюбешиуню кёзюуюнде ала Управлениени ишини эсеблерин сюзгендиле. Эсебге алынныкъ, регистрация керекли ишлени юсю бла адамла къагъытларын МФЦ-лагъа келтиргенлерин айта, ала ол къагъытланы электрон халда аслам ийиб башлагъанларын да чертгендиле. Темрезланы Рашид айтхандан, электрон амалланы не къадар айнытыр джанындан кюреширге керекди. Ол заманда джамагъатха да керекли джумушларын заманында тындыргъан тынч боллукъду.
Тюбешиуню ахырында росреестр кърал органла бла къысха байламлылыкъда ишлерге кереклисин айтдыла. Аны бла биргелей, ЕГРН-нге территориялагъа юлешиннген джерлени да киргизиуню, ведомстволаны арасында къагъыт джюрютюуню электрон халда бардырыр мадар болур ючюн Эресейни Минкомсвязы бла тынгылы сёлешдиле.
Комментарии