Карашай-Шеркеш Республикасынынъ Басшысы Рашид Темрезов Черкесск каласынынъ яс-явкады аьскершилик-патриотлык тербиялав Орталыгы-нынъ тербияланувшылары ман эм «Йигитлик» йыйылма излев-куткарув отрядынынъ агзала-ры ман йолыгысты. Йыйылыста отрядтынъ етекшиси Зоя Псху эм Черкессктинъ мэри Руслан Тамбиев катнастылар. КЧР Басшысы баьрисин Россиядынъ куьни мен кутлады эм педагогларды, орталыктынъ тербияла-нувшыларын, олардынъ ата-аналарын яс-явк ады аьскершилик-патриотлык тербиялав бойынша озга-ратаган куллыклары, тарыйхлык эстеликти саклавга косымлары уьшин муьсиревин билдирди. Рашид Темрезов Орталыктынъ тербияланувшы-ларына «Яс-явкады аьскершилик-патриотлык тер-биялавга косымлары, Уллы Аталык кавгасында Енъ-уьвдинъ 70 йыллыгына багысланган амалламаларга аьзирленуьвде эм озгарувда белсинли катнасувлары эм Россиядынъ куьни мен байланыста» Муьсирев хатларды савгалады. Республикадынъ Басшысына разылык соьзлерин Зоя Псху эм Орталыктынъ тербияланувшысы Данила Левченко айттылар. – Биз оьз кыралымыз бан эм онынъ тарыйхы ман оьктемсиймиз. Эм биз оны саклар уьшин, баьри затты да этеекпиз, – деп йыйылганларды сендирди Данила.
Комментарии