Бу кюнледе Эресей Федерацияны Конституциясына тюрлениуле кийириуню хакъындан иш къауум джыйылыб, хар бири кесини кёлюне келген оюмун айтхан эди.
Иш къауумну члени Владимир Машков айтхандан, башха къралла бизден бирер кесек джер юзерге термилиб джашайдыла. Кърал башчы ауушуннган кюн Эресейни джеринден кишиге юлюш этерге Конституция бла эркинлик болмазча этерге керекди. «Аны кереклисича юристле джарашдырыб джазарыкъдыла, не да этиб, джерибизден башха къраллагъа бир тилкем да берилмезге керекди», - деб чертгенди Машков.
Владимир Путин ол оюмну тюзге санагъанды. «Сёзсюз да, биз тыш къралчы нёгерлерибиз бла тюбешгенлей, тюрлю-тюрлю сорууланы юсю бла оноулашханлай турабыз. Алай а сизни оюмугъузну мен джаратама. Бек тюз оюмду. Юристлеге айтсакъ, ала кереклисича джарашдырыб джазарыкъдыла аны. Сау болугъуз», - дегенди Президент.
ХУБИЙЛАНЫ Фатима.
Комментарии