Къарачай-Черкес Республиканы Башчысы Темрезланы Рашид Москваны М.Ломоносов атлы кърал университетини ректорун, Виктор Антонович Садовничийни, 80 джыл толгъан юбилейи бла алгъышлагъанды.
«Виктор Антонович кёб джылны узагъына Эресейни уллу баш окъуу заведениесине тамадалыкъ этеди. Баш окъуугъа, билимли кадрла хазырлаугъа терен эс бёлюб кюрешгени ючюн, университет къралыбыздан тышында да белгилиди. Былайда тыш къралладан кёб студент келиб окъургъа излейди. Ол Виктор Антоновични, университетни коллективини кючюнденди. Андан сора да юбиляр регионну башха окъуу заведениелерини, Къарачай-Черкесияны окъуу заведениелери да аланы ичинде болуб, ёсюмлерине уллу юлюш къошады. Аны чертиб айтыргъа тыйыншлыды. Биригиб джаш тёлюге хайыр келтирген ишле этгенибиз ючюн, разылыгъымы билдирирге излейме. Мындан ары да бирге ишлеригибизге ийнанама.
Багъалы Виктор Антонович, сизни туугъан кюнюгюз бла таза джюрекден алгъышлайма. Сизге кючлю саулукъ, рахат джашау, хар башлагъан ишигизде эмда университетигизге мындан ары да джетишимле теджейме», - деб джазгъанды Къарачай-Черкесияны Башчысы Темрезланы Рашид Инстаграмда аккаунтунда.
Комментарии