АЗГIВАДАРАХЧАРТА ШIЫЦ НХИТI

Ареспублика онкология диспансер адуней джыпхаква йрыквыргIапсу уыжвгIанчIви тыдз шIыц апны йыргахтI. Ауи тыпта 100 аланакIитI, атшын ауацIа 100-гIвы раъара рызгIвадара ъадырхъвыхуаш поликлиника алачпапI. Айъазарта хирургия, химиотерапия, анестезиолого-реанимация, онкогематология йгьи радиология хъвшараква аланакIитI. ХIреспублика апынгьи нурла айъазара рылшауа йцатI, ачымазагIвква йапхъахауа айъазара йахъырщтхьатI. Ауи йахъазымкIва, онкология диспансер шIыц апны гематология хъвшара анхара джвыквнацIатI. Ужвы хIреспублика абзазагIвчва онкология згIваквала йыззыбжу айъазара датша шIыпIа йымцахуата йрауаштI. Ари аъаща абюджет ахча ареспублика йгIатахахырныс йацхърагIуштI. Йшаквдырпшуала, адиспансер шIыц хIреспублика абзазагIвчва йырхъазымкIва, Россия арахьарат ашIыпIаква йгIартыцIуашгьи знадзара хIагIу атехнологияквала йъарайъазуш Квтата йалуаштI. Йшбергьльу апшта, хIреспублика апны йпхатшу онкология Квта ауыхвара КЧР а-Хъада Темрезов Рашид йгIаджвыквцIаран, ауи згIвадарахчарала РФ а-Министерства ацхърагIарала йакIвшатI.