ЙагIвсыз асабша Къарча-Черкес апны КIавкIаз
щхъахъысыртаква ргIархвитхыгIвчва рхъмаштылра
йазынархаз мотоциклла мгIвайсра адыргалтI. Ауи
йалан Лагъь-КIавкIаз Федеральна округла РФ а-Президент йгIащтийыгIв МАТОВНИКОВ Александр,
Къарча-Черкес Республика а-Хъада ТЕМРЕЗОВ
Рашид, Ставрополь край агубернатор ВЛАДИМИРОВ Владимир, Къабард-Балкъар Республика
а-Хъада КIВАКIВА КIазбек.
АмгIвайсра йалаз ОрджоникидзевскIа поселок
апны йаныргIалу КIавкIаз щхъахъысыртаква гIазырхвитхыз рчвахъабага йгьи «Йымчвуа Амца» адзхъа
ахIврапшдзаква щтIарцIатI. Асасчва амузей йаныргIалу айсра агIан айбащраква йыршахIату апкъыгIваква, айсыгIвчва ршвъаква йырпшытI.
Матовников Александр КЧР а-Хъада Темрезов Рашид йажванахъа – амузей адкIылара аргван айсра
чIахIра Аллея гIаныршара – йацикIтI. Ауаъа айсра
агIан йгIадрысабапуаз атехника гIарбазлуштI. Мотоциклла амгIвайсра йалаз айсра агIан ащхъахъысырта
йазцауа амгIваква лызкъьуз анхагIвчва рчвахъабага
адзхъа хъмаштылра дакъикъа йгылтI, ахIврапшдзаква щтIарцIатI.
Получайте свежие новости на электронную почту
Комментарии