АВТОБУСТА 43 ГIАРАДЗУШТI

«Единая Россия» политика партия аунашвачпагIв, РФ а-Правительства а-Председатель МЕДВЕДЕВ Дмитрий йунашвала хIызту асквш ацIыхъвадза хIреспублика апхьартаква автобус шIыцта 43 гIарадзуштI. Асквш 2016 агIан Къарча-Черкес апхьартаква автобуста 22 рзалырхтI, асквш 2017 агIан – 25. Ахабза апкъ йтата жвасквша зхъыцIуа атранспорт асабиква ратрыпара ахъазла йгIарысабап гьауыхуам. – «Единая Россия» партия, РФ а-Правительства, арыпхьарала РФ а-Министерства рцхърагIарала КЧР апхьартаква йрыдырбагъьалу атранспорт гIахIыршIыцхтI, ауи асабиква ршварагIварадара адгалрала йхъаду амальпI, – йгIаликIгIатI Къарча-Черкес а-Хъада ТЕМРЕЗОВ Рашид. ХIреспубликала апхьартата 75 рпны апхьагIвчва автобусла йатдрыпитI. Ансимшы ауат гIазрысабапуа 3000-гIв йайхIапI.