КЧР а-Хъада ТЕМРЕЗОВ Рашид йхъвдаквцІарала уыхварала йгьи гІвнабзазарта-коммунальна млыкврхІарала КЧР аминистр ГОРДИЕНКО Евгений Псыжв кыт даъан. Абаза муниципальна район администрация ахъада НЫР МухІаджьыр ауи акыт акультура Тдзы ауыхвара шакІвшауа дахайыргІвазатІ.
УахьчІвала ауаъа акв щтІыхрала анхараква акІвшитІ. Ауи йацта аэлектроцагаква андыргІалитІ, ауацІа нхараква йрылагатІ. Псыжв кыт акультура Тдзы сынчІва йгІахъыртІуаштІ.
«Устойчивое развитие сельских территорий на 2014–207 годы и на период до 2020 года» йазалху федеральна программа апкъ йтата Псыжв, Хвырзыгв йгьи КвачхІабльа рпны акультура тыдзква руыхвитІ. ХІызту асквш ауацІа ужвыгьи 9 руыхвара йа ргІаршІыцхра джвыквылуаштІ: ЭркеншахІар, Терезе кытква, КIавкІазскІа поселок рпны ауыхвара шІыцква гІаншуштІ, Апсуа, Исправна, Новая Джегута, Сарытюз кытква, КрасногорскІа йгьи Преградна станица рпны акультура тыдзква гІадыршІыцхуаштІ.
Комментарии