СКФО В Северной Осетии в 2024 году появятся прямые авиарейсы в Нижний Новгород СКФО Сельхозкооперативы в КБР набирают популярность Актуально Региональный этап Всероссийской олимпиады по истории российского предпринимательства прошел в КЧР на базе КЧГУ Актуально Глава КЧР Рашид Темрезов в Приэльбрусье встретился с активистами Общероссийского движения детей и молодежи «Движение Первых» Актуально Глава КЧР Рашид Темрезов в Тырныаузе КБР принял участие в открытии Дворца культуры им. Кайсына Кулиева

АУНАШВАЧПАГIВ, АПОЛИТИК ДГIАРГВАЛАШВАХТI

01.04.2020 186
АУНАШВАЧПАГIВ, АПОЛИТИК ДГIАРГВАЛАШВАХТI
Аполитик бергьльы, акъральыгIва уыснкъвгагIв, Къарча-Черкес Республика йа-Хъадаз ХВБИ Владимир Ислам йпа асквш 2004, мартI а 17 адуней йхIваджьтI. Къарча-Черкес Республика а-Хъада йгьи а-Правительства р-Администрация, а-Правительства анхагIвчва, Хвби Ислам йъахIыльчва, абзазагIвчва ауи йчвахъабага ащапIы ахIврапшдзаква щтIарцIатI, йхъмаштылра квырмыш азырчпатI. Хвби Владимир асквш 1932, мартI а 26 Архыз поселок апны дйытI. Асквш 1954 агIан Фрунзе город йаныргIалыз агидромелиорация техникум дгIалгатI. Ауи амщтахь Ставрополь кытмлыкврхIара институтгьи дапхьахтI. Прикубань райисполком дапредседательта, Къарча город КПСС агорком йапхъахауа секретарьта, Къарча-Черкес область адепутатква р-Совет аисполком дапредседательта дынхатI. Ауи РСФСР а-Верховна Совет й-10– 11-хауа азддараква, уадыргIвана РФ а-Верховна Совет дырдепутатын. РФ АуагIахъа Совет а-Верховна Совет, а-Конституция комиссия, «Суверенитет и равенство», «Коммунисты России» фракцияква дрылан. Асквш 1992 январь йгIашIарышвта КъарчаЧеркес Администрация даунашвачпагIвта, асквш 1995 угIалагата РФ а-Президент Ельцин Борис йунашвала Къарча-Черкес Республика да-Хъадата дынхатI. Ауи РФ а-Конституция лызхыз акомиссия далан. Асквш 1996 йгIашIарышвта а-Федерация а-Совет, Европала ашIыпIа власть органква р-Палата дрылан. ЙцIыхъвахауа асквшква ауагIахъа уысквала РФ а-Президент дикьангьашагIвын. «Орден Дружбы народов», «Орден Трудового Красного Знамени», медаль йгьи чIахIра грамота щарда йыман. Аполитик йгьи аунашвачпагIв-уасаражв Хвби Владимир Ислам йпа Къарча-Черкес ауагIахъаква рбзазаща агъьчIврала, рмамыр ащтаныкъвара рыбагъьарала уыс щарда йырхъйатI. Ауи йыхьыз анцIрала хIреспублика атурых йалазлуштI.
186 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный