Актуально Глава КЧР Рашид Темрезов в Приэльбрусье встретился с активистами Общероссийского движения детей и молодежи «Движение Первых» Актуально Глава КЧР Рашид Темрезов в Тырныаузе КБР принял участие в открытии Дворца культуры им. Кайсына Кулиева Актуально Четверть сотрудников компаний КЧР по неосторожности «сливают» рабочие логины и пароли интернет-мошенникам Актуально Представителей IT-индустрии КЧР пригласили на бесплатный вебинар по акселерационной программе от Минцифры России Актуально Врач рассказала, кому категорически противопоказан кофеин

«АУИ АЙХIАТА ЙАТРЫПАХ ГЬАУАШЫМ»

03.09.2018 477
«АУИ АЙХIАТА ЙАТРЫПАХ ГЬАУАШЫМ»

Апенсия ныбыжь йазынарху апсахраквала РФ а-Правительства апроект хIкъраль абзазагIвчва арыгвыгIвмыгIвитI, РФ а-КъральыгIва Дума апынгьи ауи ауысла адепутатква ргвгIанаграква гьапшым. Йщаквгылыз аъаща йгIалцIла РФ а-Президент Путин Владимир асквш 2018, август а 29 телебарала акъральгIвчва тшырзынайырхатI, апсахраква ауагIа мчыта йрыларымхIвара ахIатырла йажванахъаква гIайгтI.

– Апенсия ныбыжь йалархIара атахъыта айчважвараква уахьчIва йыгьгIаджвыквмылтI, совет заман, й-90-хауа асквшква рагIангьи ауыс гIащтIырхуан, ауаса щаквыргылра гьнармахвуазтI, – йхIватI Путин Владимир акъральгIвчва тшырзынайырхауата. – Й-2000-хауа асквш агIангьи, асквш 2005 агIангьи апенсия ныбыжь йалархIара атахъыта йшсымпхьадзауа йызнымкIва йхътIыта саквгIашIастI. Ауат асквшква рагIан анхарадара, аинфляция хIагIан, сквш 65 айхIа йбзазуз мачIгIвын, апенсия ныбыжь йалархIара хIалагазарквын, хIыззцушыз швазхъвыц. Апхъапхъа хIэкономика ащапIы хIрыбагъьата, атшауацIыхра мгIва хIтагылра, уадыргIвана апенсия ныбыжьла апсахраква джвыквхIцIара атахъын. РФ а-Президент йшгIаликIгIазла, уахьчIва адемография йгьи анхара рынок рпны йщаквгылыз аъаща йгIалцIла апенсия ныбыжь йалархIара ауи айхIата йатрыпах гьауашым. Ауи апсахраква акъральгIвчва рыцIа йырзымайрахара ахъазла амальта йнахвчIву гIайхIватI. ЗымгIва йрапхъата Путин Владимир апхIвысква рпенсия ныбыжь рыцIа ймачIта йалархIара шатахъу даквгIашIастI, апроект апны йшгIарбу йапшымкIва, сквш 60-та йчпара. ЙащтагIайуата пенсия йымцаскIва нхарадъа йгIанхаз йгIапщцIыргауа ахча асквш 2019, январь а 1 йгIашIарышвта сом 11280 йнадзарныс ажванахъа гIайгтI (уахьчIва сом 4900 йаъарапI). – Апсахраква ъадзакIвшауа хвысквша шатахъыркIву агIвычIвгIвыс апенсия дазаргванхата йпхьадзара атахъыпI, – йхIватI хIкъраль аунашвачпагIв. – Ауи йащтагIайуата пенсия йазынадзауа анхагIвы дгIакъвызщтуа аунашвачпагIв уголовна джьауапнадзара йыркIра атахъыпI. Апенсия ныбыжь йалархIара йацта ауат ауысквалагьи хабза нахIмахвуата йгьауашым. Путин Владимир йгIачважвара апны датшагьи ажванахъаква гIайгтI: – апенсия ныбыжь йнадзауа ръачIвагIа азъазара йалархIарала йазалху программа лыхра; – ашахтерква, йгIашуа ацехква, ахимия рхарджьыртаква датшагьи рпны йынхауа, ачернобылецква рыхъазла альготква гIащаквыжьра; – зпхьадзарала ймачIу ашта йауу а-Лагъь уагIахъаква рыхъазла апенсия ныбыжь уахьчIва йшаъу апшта йгIаныжьра; – акытмлыкврхIара йалата сквш 30 йынхаз акыт йбзазауата йнымхауа апенсионерква рхъыхчара пенсия процент 25-ла йалархIара; – паса нхара йалагаз ныбыжьла йахъазымкIвагьи йынхара сквшква йгIарыквхта пенсия дзыцауата лшарата йчпара; – апсахраква ъадзакIвшауа асквш 2018, декабрь а 31-дза апенсионерква рыхъазла йщаквгылу альготква гIаныжьра (сквш 55 йнадзаз ахIвсса, сквш 60 йнадзаз ахъачва адгьыл, афатар, адача рыхъазла аналогла альготква). РФ а-Президент Путин Владимир йажванахъаква йрылапшырныс РФ а-Правительства йрыхъвдаквицIатI.
477 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный