АУАГIА РТАХЪЫРАКВА ГIАРПХЬАДЗИТI

КЧР а-Хъада ТЕМРЕЗОВ Рашид ареспублика саби чымазагIвтара йщтIу асабиква ран-рабачви ачымазагIвтара анхагIвчва гвыпи дрынйатI, ауи адгалща тшахайыргIвазатI. Темрезов Рашид ачымазагIвтара айъазагIв хъада Лайпанова Тамари йари райчважвара апны асаби чымазагIвква ран-рабачва ртшазынархараква йалкIгIу гватра рзалихтI. «АуагIахъа проектква дахIврала абзазара йалагIжьра ахъазла ауагIа ртахъыраква гIдырырныс магIын ду амапI, йауа ухIварыквын, Россия а-Президент Путин Владимир й-Тшазынархара апны йгIайырбаз ахачIвква ззынарху ауагIа рбзазара агъьчIвра акIвпI. АуагIахъа проектква хIанрылалуа агIан социальна йгьи экономика нархарата йгIалхIхуаш щаквхIыргылуата ауагIа рыцIа ргвы ззыбжу абаргвыраква йгIарыквхIхитI. Сквшщарда руацIа хIреспублика апны саби клиника чымазагIвтара ъатагыламыз рахIа йаквыргъвгъвару уысын. ХIпны йырмауаз айъазара ахъазла асабиква датша шIыпIаква йхIщтира атахъхун. УахьчIвала ауи айъазара ъагIарадзуш чымазагIвтара аъапI. Ауаса згIвадарахчарала абаргвыраква гIанхитI, ауат «Здравоохранение», «Демография» уагIахъа проектква рыпкъ йтата йхIырхъйуштI. Амедицина хьпшра анадзара агъьхIчIвуаштI, азгIвадарахчартаква рымлыкв-техника щата хIрыбагъьуштI, ъачIвагIагIвчвала радгалра хIадынхалуаштI», – йхIватI Темрезов Рашид ажурналистква разц