Асквш 1968 йгIашIарышвта ауагIа ратрыпара йазынхауа ХЪАБЛЬАХЬ МухIамад Муридин йпа йбзазара зпищылыз аъачIвагIа данхвыцыз уалагата йгвапхадзитI. МухIамад йаба йаща йпа Хъабльахь КацIа йчкIвынхъа дызланхуз амашина дшахьпшуаз, йшйырчIаджьуаз дапшлун. Йаргьи КацIа амашина анйырчIаджьуаз йнапIква шпIайхуз апш йнапIква мазутI рхьищуанта «шоферта» дхъвмарлун. – Сара саба йаща йпа КацIа йшвапхала сшоферхатI. Санхвыцыз ауи сишIпшлун, ймашина анйырчIаджьуаз сыгьгIайыдзхъымцIуазтI. Ауаса ауи аъачIвагIа бзи йызбатI. Апхьарта сангIалга шоферта сапхьан, уахьчIва йъагIадзазгьи ауагIа ратрыпара сазынхитI,– йхIвитI ауи. Хъабльахь МухIамад апхьарта амщтахь арайон айсра комиссариат шоферта апхьара дырщтитI. Машина нкъвицарныс дазрыхвитуа ашвъа йымата къвырльыкъвхара дызшIырттI. Венгрия йаныргIалыз Совет Союз архъв авиация база былчIв-хьщчIвыла йадигалуан. Къвырльыкъвхара дангIахъынхIвых шоферта йапшым анхартаква рпны йхъвдаквцIараква йырхъйатI. Ауи асквш 1976 йгIашIарышвта асквш 1995-дза «КъарчаЧеркес кыт уыхвара» (КЧСС) анхагIвчва автобусла йынкъвигатI. Ауи амщтахь Черкесск абзазагIвчва, агород йгIайуа ауагIа ратрыпара йазынхауа «Мотор» организация нхара далагатI. Ауи анхарта аунашвачпагIв Анфокъва Эдуард ХIаби йпа дара ашоферква директорта далырхын, ауагIа ратрыпарала автобуста 60 агород маршрутквала рынхара анйыргIалуа аорганизация атшауацIыхра дазынхитI. Сквшщарда шоферта абзазагIвчва атызрыпауа анхара аветеран Хъабльахь МухIамад йгвы хътIыта, йъачIвагIа дазцIабыргта дъанхауа ахъазла къральыгIва ртшхъвагата йгIайквнадыргахьаз гьмачIым. Черкесск амэрия «За безаварийную работу» гвплацIа гIайырттI, КЧР а-Правительства ачIахIра грамотаквала йызнымкIва йыхьыз гIалыркIгIатI. Зыбызшва, зуагIахъа, зткъвым хабзаква йрызцIабыргта йбзазауа Хъабльахь МухIамад хIреспублика ажвлараполитика уысквала нхарата йакIвшауа, псахра бзита йыншауа тшахаймыргIвазауата мшкIы гьагIвсуам. Ауат ахабарква зымгIва ансисквша йгIацIигIвгIауа «Абазашта» газет йгIанихитI. Ауи йыцынхауа арахьарат абаза шоферквагьи хIцри газет йанакIвызлакIгьи рунагIва йыгIвнапI, анхара амщтахь ауи анапаква йырну ахабарква йрыпхьитI. Гвыцкьала ауагIа ратрыпара йазынхауа ашофер гвымчIваква ансимшы йызквылуа амгIва лашарата, йтынчта гIвагвана хайыр гIамырдарныс, анхара амщтахь йабгазгIвадата рунагIваква йрыдгылхырныс рзыхIтахъпI. Источник: riakchr.ru
Асквш 1968 йгIашIарышвта ауагIа ратрыпара йазынхауа ХЪАБЛЬАХЬ МухIамад Муридин йпа йбзазара зпищылыз аъачIвагIа данхвыцыз уалагата йгвапхадзитI. МухIамад йаба йаща йпа Хъабльахь КацIа йчкIвынхъа дызланхуз амашина дшахьпшуаз, йшйырчIаджьуаз дапшлун. Йаргьи КацIа амашина анйырчIаджьуаз йнапIква шпIайхуз апш йнапIква мазутI рхьищуанта «шоферта» дхъвмарлун. – Сара саба йаща йпа КацIа йшвапхала сшоферхатI. Санхвыцыз ауи сишIпшлун, ймашина анйырчIаджьуаз сыгьгIайыдзхъымцIуазтI. Ауаса ауи аъачIвагIа бзи йызбатI. Апхьарта сангIалга шоферта сапхьан, уахьчIва йъагIадзазгьи ауагIа ратрыпара сазынхитI,– йхIвитI ауи. Хъабльахь МухIамад апхьарта амщтахь арайон айсра комиссариат шоферта апхьара дырщтитI. Машина нкъвицарныс дазрыхвитуа ашвъа йымата къвырльыкъвхара дызшIырттI. Венгрия йаныргIалыз Совет Союз архъв авиация база былчIв-хьщчIвыла йадигалуан. Къвырльыкъвхара дангIахъынхIвых шоферта йапшым анхартаква рпны йхъвдаквцIараква йырхъйатI. Ауи асквш 1976 йгIашIарышвта асквш 1995-дза «КъарчаЧеркес кыт уыхвара» (КЧСС) анхагIвчва автобусла йынкъвигатI. Ауи амщтахь Черкесск абзазагIвчва, агород йгIайуа ауагIа ратрыпара йазынхауа «Мотор» организация нхара далагатI. Ауи анхарта аунашвачпагIв Анфокъва Эдуард ХIаби йпа дара ашоферква директорта далырхын, ауагIа ратрыпарала автобуста 60 агород маршрутквала рынхара анйыргIалуа аорганизация атшауацIыхра дазынхитI. Сквшщарда шоферта абзазагIвчва атызрыпауа анхара аветеран Хъабльахь МухIамад йгвы хътIыта, йъачIвагIа дазцIабыргта дъанхауа ахъазла къральыгIва ртшхъвагата йгIайквнадыргахьаз гьмачIым. Черкесск амэрия «За безаварийную работу» гвплацIа гIайырттI, КЧР а-Правительства ачIахIра грамотаквала йызнымкIва йыхьыз гIалыркIгIатI. Зыбызшва, зуагIахъа, зткъвым хабзаква йрызцIабыргта йбзазауа Хъабльахь МухIамад хIреспублика ажвлараполитика уысквала нхарата йакIвшауа, псахра бзита йыншауа тшахаймыргIвазауата мшкIы гьагIвсуам. Ауат ахабарква зымгIва ансисквша йгIацIигIвгIауа «Абазашта» газет йгIанихитI. Ауи йыцынхауа арахьарат абаза шоферквагьи хIцри газет йанакIвызлакIгьи рунагIва йыгIвнапI, анхара амщтахь ауи анапаква йырну ахабарква йрыпхьитI. Гвыцкьала ауагIа ратрыпара йазынхауа ашофер гвымчIваква ансимшы йызквылуа амгIва лашарата, йтынчта гIвагвана хайыр гIамырдарныс, анхара амщтахь йабгазгIвадата рунагIваква йрыдгылхырныс рзыхIтахъпI. Источник: riakchr.ru
Получайте свежие новости на электронную почту
Комментарии